વધુ એક રેકૉર્ડ : બસ્સો કરોડ ક્લબમાં પહોંચી ચેન્નઈ એક્સપ્રેસ

મુંબઈ, 23 ઑગસ્ટ : શાહરુખ ખાન અભિનીત તથા નિર્મિત ચેન્નઈ એક્સપ્રેસે માત્ર 13 દિવસમાં 198 કરોડનો બિઝનેસ કરી લીધો છે. તેના પગલે હવે નક્કી જ છે કે ફિલ્મ 200 કરોડનો આંકડો સ્પર્શી લેશે અને આ સાથે જ ચેન્નઈ એક્સપ્રેસ 2013ની અત્યાર સુધીની સૌથી મોટી હિટ ફિલ્મ બની જશે.

ફિલ્મી પંડિતોએ જણાવ્યું કે શાહરુખ ખાન તથા દીપિકા પાદુકોણે અભિનીત ચેન્નઈ એક્સપ્રેસ 200 કરોડ ક્લબના આંકડા કરતાં આગળ નિકળી આમિર ખાન અભિનીત 3 ઈડિયટ્સને પણ માત આપી શકે છે કે જેણે 204 કરોડનો બિઝનેસ કર્યો હતો. કેટલાંક અખબારોએ તો ચેન્નઈ એક્સપ્રેસનો 200 કરોડ ક્લબમાં સમાવેશ કરી લીધો છે. હવે માત્ર અધિકૃત પુષ્ટિ કરવાની બાકી છે.

સરવાળે એટલું કહી શકાય કે ચેન્નઈ એક્સપ્રેસ ફિલ્મે જોરદાર ધમાલ મચાવી છે. તેથી શાહરુખ ખાને ગુરુવારે પોતાના ઘરે મન્નતમાં પોતાની ફિલ્મની આખી ટીમ માટે એક જોરદાર પાર્ટી યોજી હતી. શાહરુખ ખાન કહે છે કે તેઓ પોતાના ચાહનારાઓની હૃદયપૂર્વક ઇજ્જત કરે છે. તેથી તેમની પાર્ટીમાં ફિલ્મના ક્રૂ મેમ્બર્સને પણ સન્માન આપવામાં આવ્યું. ફિલ્મના દિગ્દર્શક રોહિત શેટ્ટી પણ હાજર હતાં.

English summary

Shahrukh Khan's Chennai Express has already crossed 200 crore collection in domestic market said Times Of India. Rohit Shetty's Chennai Express became the highest grosser of this year.