Pics : એક છોકરીની વાર્તા છે કમાંડો : પૂજા ચોપરા

Published: Thursday, April 4, 2013, 14:11 [IST]

મુંબઈ, 4 એપ્રિલ : ફિલ્મ કમાંડોમાં વિદ્યુત જામવાલ કેન્દ્રીય ભૂમિકામાં છે, પરંતુ ફિલ્મના અભિનેત્રી પૂજા ચોપરાનું કહેવું છે કે ફિલ્મમાં તેમના રોલને વિદ્યુત કરતાં ઓછો આંકી શકાય નહીં. પૂજા ચોપરાએ જણાવ્યું કે કમાંડો ફિલ્મની વાર્તાના કેન્દ્રમાં તેઓ જ છે.

વિપુલ શાહ નિર્મિત અને દિલીપ ઘોષ દિગ્દર્શિત કમાંડો ફિલ્મ આગામી 12મી એપ્રિલના રોજ રિલીઝ થવાની છે. કમાંડો ધ વન મૅન આર્મી ટૅગ સાથે રિલીઝ થનારી આ ફિલ્મમાં વિદ્યુત જામવાલના એક્શન દૃશ્યો જોઈને આંખો પહોળી થઈ જાય. ફિલ્મમાં જયદીપ અહલાવત પણ છે.

પૂજા ચોપરાએ એક ઇન્ટરવ્યૂ દરમિયાન જણાવ્યું - ફિલ્મમાં એક છોકરી અને વિલન વચ્ચેનો સંઘર્ષ છે. વાર્તાના કેન્દ્રમાં છોકરી જ છે. કમાંડો ફિલ્મ એક છોકરીની વાર્તા છે. મને ક્યારેય અહેસાસ નથી થયો કે મને ફિલ્મમાં નાની ભૂમિકા મળી રહી છે.

પૂજા ચોપરા કમાંડોને પોતાની પ્રથમ ફિલ્મ માને છે. તેઓ કહે છે કે તેઓ અભિનેત્રી બનવા માંગે છે કે કેમ, તેમના અગાઉના કામે બસ આ પ્રશ્નનો ઉત્તર આપવામાં મદદ કરી હતી. મિસ ઇન્ડિયા રહી ચુકેલાં પૂજા રેસ્ટોરંટ ચલાવવા માંગે છે, તો તેમના માતાની ઇચ્છા હતી કે તેઓ અભિનયમાં પોતાનો ભાગ્ય અજમાવે.

ખેર, હાલ તો જુઓ કમાંડો ફિલ્મમાં પૂજા ચોપરાની અદાઓ.

પૂજા ચોપરાની અદાઓ

વિપુલ શાહ નિર્મિત અને દિલીપ ઘોષ દિગ્દર્શિત કમાંડો ફિલ્મ આગામી 12મી એપ્રિલના રોજ રિલીઝ થવાની છે. કમાંડો ધ વન મૅન આર્મી ટૅગ સાથે રિલીઝ થનારી આ ફિલ્મમાં વિદ્યુત જામવાલના એક્શન દૃશ્યો છે, તો પૂજા ચોપરાની અદાઓ પણ મોહી લે તેવી છે.