વર્ષ 2012 દબંગ સલમાન ખાનના નામે રહ્યું
મુંબઈ, 29 ડિસેમ્બર : વર્ષ 2012 તો ઑલમોસ્ટ બૉલીવુડ એક્ટર સલમાન ખાનના નામે જ રહ્યું. આ વર્ષની શરુઆત એક થા ટાઇગર સાથે થઈ અને આ ફિલ્મે બૉક્સ ઑફિસે અત્યાર સુધીના તમામ રેકૉર્ડ તોડી નાંખ્યા અને સાથે જ સૌથી ઝડપથી 100 કરોડની કમાણી કરનાર અત્યાર સુધીની પ્રથમ ફિલ્મમાં એક થા ટાઇગરે પોતાનો સમાવેશ કરાવી લીધો. પછી વર્ષાંતે સલમાને વધુ એક હિટ ફિલ્મ દબંગ 2 આપી અને તે બીજી ઝડપી 100 કરોડની કમાણી કરનાર ફિલ્મ બની ગઈ. સાથે જ આ ફિલ્મ અત્યાર સુધીની વગર કોઈ તહેવારે કે રજાએ રિલીઝ થનાર અને 100 કરોડ કમાવનાર પ્રથમ ફિલ્મ પણ બની ગઈ.
દબંગ 2એ પ્રથમ સપ્તાહે જ પૂરા 101 કરોડ રુપિયા કમાવ્યાં, જ્યારે એક થા ટાઇગરે પ્રથમ પાંચ દિવસોમાં આટલી કમાણી કરી હતી. સલમાન ખાન અને સોનાક્ષી સિન્હાની જોડી વધુ એક વાર આ વર્ષની હિટ જોડી રહી. સલમાન ઉપરાંત અક્ષય કુમારની રાઉડી રાઠોડ તથા શાહરુખ ખાનની જબ તક હૈ જાન પણ આ વર્ષે રિલીઝ થઈ, પરંતુ આ ફિલ્મો સલમાનની ફિલ્મો આગળ ફિક્કી રહી. આ વર્ષે સલમાન અને કૅટરીના કૈફની જોડી પણ હિટ રહી.
આ વર્ષ આમિર ખાનની ફિલ્મ તલાશ પણ રિલીઝ થઈ. જોકે આ ફિલ્મમાં રાણી મુખર્જી અને કરીના કપૂર જેવા મોટા સ્ટાર્સ પણ હતાં, પરંતુ આ ફિલ્મે બૉક્સ ઑફિસે કંઇ ખાસ કમાલ ન કરી. સલમાનની એક થા ટાઇગરનો રેકૉર્ડ તો કોઈ પણ ફિલ્મ ન તોડી શકી. તોડવો તો દૂર કોઈ ફિલ્મ આ રેકૉર્ડની આજુબાજુ પણ ન પહોંચી શકી. હવે દબંગ 2 દ્વારા સલમાને આ વર્ષના અંતે વધુ એક રેકૉર્ડ પોતાના નામે કરી લીધો. આમ સરવાળે વર્ષ 2012 સલમાન ખાનના નામે રહ્યું.