દીપિકાનો નવો રેકૉર્ડ, સતત 30 કલાક કામ કર્યું : જુઓ 30 તસવીરો

Published: Thursday, February 13, 2014, 12:50 [IST]

મુંબઈ, 13 ફેબ્રુઆરી : વર્ષ 2013ની નંબર વન હીરોઇન દીપિકા પાદુકોણે આજે જો દોલત-શહોરતમાં આળોટી રહ્યાં છે, તો તેની પાછળનું કારણ માત્ર ને માત્ર તેમની સખત મહેનત છે. આપને જાણીને આશ્ચર્ય થશે કે દીપિકા પાદુકોણેએ સતત 30 કલાક કામ કરીને નવો રેકૉર્ડ બનાવ્યો છે. એક અંગ્રેજી ડેઇલીમાં પ્રકાશિત સમાચાર મુજબ દીપિકાની ડિમાંડે તેમને બહુ જ વ્યસ્ત કરી નાંખી છે.

ગત શનિવારે દીપિકા પાદુકોણેએ પ્રથમ ફરાહ ખાન દિગ્દર્શિત હૅપ્પી ન્યુ ઈયર ફિલ્મનું શૂટિંગ પૂર્ણ કર્યું. પછી તેઓ સેટ ઉપરથી સીધા જ એક ઍવૉર્ડ ફંક્શન માટે નિકળી ગયાં કે જ્યાં તેમને સ્ટેજ ઉપર પરફૉર્મ કરવુ હતું, કારણ કે પોતાની ફિલ્મ અને એડ શૂટના કારણે દીપિકાને સ્ટેજ પરફૉર્મન્સ માટેની પ્રૅક્ટિસ કરવાની તક મળી જ નહોતી. તેથી ઍવૉર્ડ ફંક્શનમાં દીપિકાએ કલાકો પહેલા પહોંચી રિહરસ્લ કર્યું અને પછી મેક-અપ લઈ સ્ટેજ ઉપર ડાન્સ કર્યો.

ઍવૉર્ડ ફંક્શનમાં પહોંચતા પહેલા દીપિકાએ 15 કલાક સુધી સતત હૅપ્પી ન્યુ ઈયર ફિલ્મનું શૂટિંગ કર્યુ હતું. બાકીના પંદર કલાક તેમણે ઍવૉર્ડ ફંક્શન માટે ફાળવી દીધાં. દીપિકાનું પરફૉર્મન્સ ખૂબ જ શાનદાર રહ્યું. દર્શકો અને લોકો તેમની ઉપર લટ્ટૂ થઈ ગયાં, તો બીજી બાજુ ઍવૉર્ડ ફંક્શનની સાંજ પણ દીપિકા પાદુકોણે અને તેમની ફિલ્મોના નામે જ રહી.

ચાલો જોઇએ 30 કલાક સતત કામ કરવાનો રેકૉર્ડ બનાવનાર દીપિકાની 30 મોહક તસવીરો :