ખામોશ થઈ ગયો ટાઇગર
મુંબઈ, 22 સપ્ટેમ્બર : બૉક્સ ઑફિસ ઉપર ઈદથી માંડી ગણેશ ચતુર્થી સુધી ગર્જના કર્યા બાદ આખરે ટાઇગર ખામોશ થઈ ગયો. સલમાનિયાનો જાદૂ ઉતર્યો અને હવે ખામોશ રણબીર કપૂરે બૉક્સ ઑફિસ ઉર પોતાનો કબ્જો શરૂ કરી દીધો છે.
એક થા ટાઇગરે અત્યાર સુધી પાંચ સપ્તાહમાં બૉક્સ ઑફિસ પર રિલીઝ થયેલી બધી ફિલ્મોની વાટ લગાવી મૂકી હતી અને હવે રાઝ 3 તેમજ બર્ફીએ બૉક્સ ઑફિસ પર પોતાનું વર્ચસ્વ જમાવી લીધું છે.
ત્રણ સપ્તાહમાં સલમાન ખાનની એક થા ટાઇગરે ઘણો સારો બિઝનેસ કર્યો, પણ રાઝ 3 રિલીઝ થતાં જ ફિલ્મના કલેક્શનમાં ભારે ઘટાડો નોંધાયો. જોકે અક્ષય કુમારની ફિલ્મ જોકરની ટાઇગરના બિઝનેસ ઉપર કોઈ અસર ન થઈ, પણ રાઝ 3એ એક થા ટાઇગર પાસેથી કેટલીક સ્ક્રીન છીની લીધી અને તેના કલેક્શનને એકદમ નીચે પાડી દીધું. સલમાન-કેટરીનાની આ ફિલ્મે પોતાના ચોથા અઠવાડિયામાં કુલ 3.5 કરોડની કમાણી કરી.
સરવાળે એક થા ટાઇગર અત્યાર સુધીની બ્લૉકબસ્ટર ફિલ્મ સાબિત થઈ છે અને આશા સેવાઈ રહી છે કે તે કુલ 200 કરોડના આંકને પાર કરશે. હવે 200 કરોડનો આંક પાર કરવા માટે તેને કુલ 89 લાખના વધુ બિઝનેશની જરૂર છે. હવે જોવું એ રહ્યું કે રાઝ 3, બર્ફી તેમજ ગઈકાલે જ રિલીઝ થયેલી હીરોઇન સાથે કમ્પીટ કરતાં સલમાનની ટાઇગર આ પડકારને ઝીલી શકશે?
Click it and Unblock the Notifications
Sign in with Google
