હોતા હૈ હોતા હૈ... આજેય કમસિન છે પ્રેમની સુમન!

Updated: Monday, May 12, 2014, 15:49 [IST]

મુબઈ, 12 મે : દોસ્તી મેં નો સૉરી, નો થૅંક્સ... હોતા હૈ હોતા હૈ... આ સંવાદો તો યાદ હશે આપને? નાજુક-નમણી એક નાર કે જે પોતાના પ્રેમી સાથે અટખેલીઓ કરતાં કંઇક આવા જ ડાયલૉગ બોલે છે.

મગજ ઉપર વધુ ભાર દેવાની જરૂર નથી ભાઈ... જો યાદ ન આવ્યું હોય તો અમે બતાવી દઇએ. અમે વાત કરી રહ્યાં છીએ પ્રેમ અને સુમનની. મૈંને પ્યાર કિયા ફિલ્મની આ જોડીને આજે પણ અનેક પ્રેમી યુગલો યાદ કરે છે અને તેમના નામના સોગંધો લે છે. પ્રેમ એટલે સલમાન ખાન તો આજે બૉલીવુડના દબંગ બની ગયા છે, પરંતુ તેની પ્રેમિકા સુમન એટલે કે ભાગ્યશ્રીને આજે નવી પેઢી કદાચ ઓળખતી પણ નહીં હોય.

મૈંને પ્યાર કિયા ફિલ્મની ભાગ્યશ્રી આજે ભલે બૉલીવુડ ફિલ્મોમાં સક્રિય નથી, પરંતુ તેમની કમસિન અને નાજુક-નમણી અદાઓ આજે પણ એવીને એવી જ છે. તાજેતરમાં જ ભાગ્યશ્રી એક ઇવેંટમાં દેખાયાં અને તેમને અને તેમના સૌંદર્યને જોઈને ફરી એક વાર મૈંને પ્યાર કિયાની સુમન અનાયાસે યાદ આવી ગઈ.

મોકો હતો ફેવીકૉલ તરફથી ગઈકાલે યોજાયેલ 9મો વાર્ષિક કૅરિંગ વિથ સ્ટાઇલ ફૅશન શો કે જ્યાં બૉલીવુડ અને ફૅશન જગતની અનેક હસ્તીઓ એકત્ર થઈ હતી. આ ફૅશન શોમાં ભાગ્યશ્રીએ પણ રૅમ્પ વૉક કર્યુ હતું. કૅંસર પેશંટ્સ એડ એસોશિએશનના સહકારથી મુંબઈની નેશનલ સ્પોર્ટ્સ ક્લબ ઑફ ઇન્ડિયા ખાતે યોજાયેલ આ ફૅશન શોમાં વિવેક ઓબેરૉય, અદિતી રાવ હૈદરી, નીતૂ ચંદ્રા, શાઇના એનસી, રણબીર કપૂર અને ગૌહર ખાન જેવી સેલિબ્રિટીઓ પણ હાજર રહી હતી.

ચાલો જોઇએ ફેવીકૉલ કૅરિંગ વિથ સ્ટાઇલ ફૅશન શોની તસવીરી ઝલક :