એશિયા પૅસિફિક સ્ક્રીન ઍવૉર્ડ્સની રેસમાં ચાર ભારતીય ફિલ્મો

બ્રિસ્બેન, 12 નવેમ્બર : ચાર ભારતીય ફિલ્મો ગોપી ગવૈયા બાઘા બજયા, મૉનસૂન શૂટઆઉટ, ધ લંચબૉક્સ તથા મેંસ્ટ્રુઅલ મૅનની સાતમા એશિયા પૅસિફિક સ્ક્રીન ઍવૉર્ડ્સની વિવિધ શ્રેણીઓમાં સ્પર્ધા માટે પસંદગી કરવામાં આવી છે.

એપીએસએ એટલે કે અપ્સાની રેસમાં નામિત ફિલ્મોના નામોની જાહેરાત મંગળવારે અહીં લૉર્ડ મેયર ગ્રૅહમ ક્વિર્કે કરી. ફિલ્મ નિર્માતા રીતેશ બત્રાની ધ લંચબૉક્સની પસંદગી સર્વશ્રેષ્ઠ સ્ક્રિપ્ટની શ્રેણીમાં કરવામાં આવી છે. તેવી જ રીતે ચિલ્ડ્રન ફિલ્મ સોસાયટી-ઇન્ડિયા નિર્મિત ગોપી ગવૈયા બાઘા બજૈયાની પસંદગી સર્વશ્રેષ્ઠ એનિમેટેડ ફિલ્મની શ્રેણીમાં કરવામાં આવી છે.

મળતી માહિતી મુજબ રાજીવ રવિની મૉનસૂન શૂટઆઉટ બેસ્ટ સિનેમેટોગ્રાફી શ્રેણી તથા અમિત વીરમાણી અને સીયા કુઈ લુઆનની મેંસ્ટ્રુઅલ મૅનની પસંદગી સર્વશ્રેષ્ઠ વૃત્તચિત્રની શ્રેણીમાં કરવામાં આવી છે. આ વખતે એશિયા પૅસિફિક સ્ક્રીન ઍવૉર્ડ્સ એટલે કે અપ્સામાં પ્રથમ વાર બાંગલાદેશ, જૉર્ડન તથા સાઉદી અરબની ફિલ્મો પણ નૉમિનેટ કરવામાં આવી છે.

English summary

Four Indian films - "Goopi Gawaiya Bagha Bajaiya", "Monsoon Shootout", "The Lunchbox" and "Menstrual Man" have been nominated in various categories of the seventh edition of Asia Pacific Screen Awards (APSA).