• search
For Quick Alerts
ALLOW NOTIFICATIONS  
For Daily Alerts

ચિટ્ઠી આઈ હૈ... પંકજ ઉધાસનો આજે જન્મ દિવસ

|

મુંબઈ, 17 મે : ‘ચિટ્ઠી આઈ હૈ આઈ હૈ ચિટ્ઠી આઈ હૈ...' યાદ છે ને આ કઈ ફિલ્મનું ગીત છે અને કોણે ગાયું છે? ભુલ્યા તો નહીં જો હોવ, છતાં જો ભુલી ગયા હોવ, તો અમે યાદ અપાવી દઇએ. આ ગીત છે સંજય દત્તની નામ ફિલ્મનું અને તેના ગાયક છે પંકજ ઉધાસ.

pankajudhas

સંજય દત્ત તો હાલ ચર્ચામાં છે અને જે રીતે તેમને જેલમાં જવુ પડ્યું છે, તે જોતાં નામ ફિલ્મનું પેલુ ગીત ‘તૂ કલ ચલા જાયેગા તો મૈં ક્યા કરૂંગા...' અનાયાસે જ યાદ આવી જાય છે, પરંતુ સંજય દત્ત, નામ અને તૂ કલ ચલા જાયેગા ઉપરાંત વધુ એક પંક્તિ ‘ચિટ્ઠી આઈ હૈ...' આજે યાદ કરવી પડે એવું છે. આ ગીત પણ ખૂબ જ લોકપ્રિય થયુ હતું અને તે ફિલ્મમાં પંકજ ઉધાસ ઉપર ફિલ્માવાયું હતું. ગીત પોતે પંકજ ઉધાસે જ ગાયુ હતું.

એવા ગરવા ગુજરાતી પંકજ ઉધાસનો આજે જન્મ દિવસ છે. તેઓ આજે 62 વર્ષના થઈ ગયાં. પંકજ ઉધાસનો જન્મ ગુજરાતનાં રાજકોટ પાસે જેતપુરમાં એક ચારણ (ગઢવી) પરિવારમાં થયો હતો. તેઓ ત્રણ ભાઇઓમાં સૌથી નાના છે. તેમનાં પિતાનું નામ કેશુભાઈ ઉધાસ અને માતાનું નામ જીતુબેન છે. તેમના બંને મોટા ભાઈઓ મનહર ઉધાસ અને નિર્મલ ઉધાસ પણ પ્રખ્યાત ગઝલ ગાયક છે. પંકજ ઉધાસે પ્રારંભિક અભ્યાસ ભાવનગરમાં કર્યો હતો. પછી પરિવાર મુંબઈમાં સ્થાયી થતાં તેઓએ આગળનો અભ્યાસ મુંબઈની સેંટ ઝેવિઅર્સ કોલેજમાંથી કર્યો.

ભારતીય સંગીત ઉદ્યોગમાં તલત અઝીઝ અને જગજીત સિંહ જેવા અન્ય સંગીતકારો સાથે ગઝલ શૈલીને લોકપ્રિય સંગીતના દાયરામાં લાવવાનો શ્રેય પંકજ ઉધાસને ફાળે પણ જાય છે. પંકજ ઉધાસને તેમણે ફિલ્મ નામ (૧૯૮૬ ચલચિત્ર)માં ગાયેલા ગાયનોને કારણે ખુબજ પ્રસિદ્ધિ મળી, જેમાં એમનું એક ગીત ચિઠ્ઠી આઈ હૈ અત્યંત લોકપ્રિય થયું. ત્યાર બાદ એમણે ઘણા બધાં ચલચિત્રો માટે પાર્શ્વ ગાયક તરીકે પોતાનો અવાજ આપ્યો છે. આ ઉપરાંત એમણે ઘણા ગઝલના આલ્બમ પણ રેકૉર્ડ કર્યાં છે અને એક કુશળ ગઝલ ગાયકના રૂપમાં આખી દુનિયામાં પોતાની કલાનું પ્રદર્શન કરી ચુક્યા છે. ઈ.સ. ૨૦૦૬ના વર્ષમાં પંકજ ઉધાસને પદ્મશ્રી વડે સન્માનિત કરવામાં આવ્યા.

English summary
Pankaj Udhas is an Indian singer, credited in the Indian music industry, along with other musicians like Jagjit Singh and Talat Aziz, with bringing the Ghazal style to the realm of popular music.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more