ગિપ્પી ફર્સ્ટુ લુક : કૅમેરાનો અનુભવ નથી રિયા વિજને

મુંબઈ, 1 એપ્રિલ : જાણીતા ફિલ્મ નિર્માતા-દિગ્દર્શક કરણ જૌહરની ફિલ્મ ગિપ્પી બાળકો પર આધારિત ફિલ્મ છે. સોનમ નાયરના દિગ્દર્શન હેઠલ કરણ જૌહર આ ફિલ્મ બનાવી રહ્યાં છે. ફિલ્મની ખાસિયત એ છે કે તેની હીરોઇનની ઉંમર માત્ર તેર વરસ છે.

બાળકો પર આધારિત ફિલ્મો આમિર ખાનની તારે ઝમીં પર, અમોલ ગુપ્તેની સ્ટેનલી કા ડિબ્બા અને ચિલ્લર પાર્ટીની સફળતાને જોઈ કરણ જૌહર આ સાહસ કરી રહ્યાં છે. ધર્મા પ્રોડક્શનના બૅનર હેઠળ બનતી ગિપ્પી ફિલ્મ દ્વારા સોનમ નાયર પણ દિગ્દર્શક તરીકે બૉલીવુડમાં પ્રવેશ કરશે. ગિપ્પીનો રોલ 13 વર્ષીય રિયા વિજ કરવાનાં છે. સોનમ નાયરે અનેક શહેરોમાં બાળકોનું ઑડિશન કર્યા બાદ રિયાને ફાઇનલ કરી છે. ગિપ્પી ફિલ્મનો ફર્સ્ટ લુક લૉન્ચ થઈ ગયો છે.

જોકે રિયા વિજને કૅમેરાનો કોઈ અનુભવ નથી. તેમણે ટેલીવિઝન ઉપર પણ કોઈ કૉમર્સિયલ જાહેરાત કરી નથી. બીજી બાજુ સોનમ નાયર વેકઅપ સિડના નિર્માણ દરમિયાન અયાન મુખર્જીના સહાયક દિગ્દર્શક રહી ચુક્યાં છે. તેઓ ધર્મા પ્રોડક્શન હાઉસના પ્રથમ મહિલા દિગ્દર્શક છે. ફિલ્મનું શૂટિંગ શિમલાની એક સ્કલમાં થવાની છે.

English summary

Karan Johar make a film on childrens. He is all set to launch 13 year old Delhi girl Riya Vij in debutant director Sonam Nair's 'Gippi'.