અવતાર 2 એ તોડ્યા કમાણીના રેકોર્ડ, દ્રશ્યમ 2એ પણ કરી સારી કમાણી

અવતાર 2ને દર્શકોનો ભરપૂર પ્રેમ મળી રહ્યો છે. આ સાથે આ ફિલ્મ બોક્સ ઓફિસમાં એક બાદ એક રેકોર્ડ તોડી રહી છે.

બોક્સ ઓફિસ પર ગત શુક્રવારના રોજ હોલીવુડની મોસ્ટ અ વેઇટિંગ ફિલ્મ અવતાર ધ વે ઓફ વોટર રિલિઝ થઇ હતી. જેમ્સ કેમરૂનના ડાયરેક્શન બનેલી ફિલ્મ દ્વારા એક નવી કાલ્પનિક દુનિયાની સફર કરાવી હતી. જેના 13 વર્ષના લાંબી રાહ જોવડાવ્યા બાદ જેમ્સ હવે અવતારનો બીજો ભાગ લઇને આવ્યા છે. અવતાર 2ને દર્શકોનો ભરપૂર પ્રેમ મળી રહ્યો છે. આ સાથે આ ફિલ્મ બોક્સ ઓફિસમાં એક બાદ એક રેકોર્ડ તોડી રહી છે.

અવતાર 2

જેમ્સ કેમરૂન દ્વારા નિર્દેશિત સાયન્સ ફિક્શન ફિલ્મ 'અવતાર' નો બીજો ભાગ, 'અવતાર ધ વે ઓફ વોટર' વર્તમાન દિવસોમાં સિનેમાઘરોમાં ધૂમ મચાવી રહ્યો છે.

શરૂઆતના દિવસે શ્રેષ્ઠ કમાણી કરનારી આ ફિલ્મે રિલિઝના માત્ર બે દિવસમાં જ ભારતમાં તેમજ સમગ્ર વિશ્વમાં અનેક રેકોર્ડ તોડી રહી છે. ભારતમાં આ ફિલ્મે માત્ર બે દિવસમાં 100 કરોડ રૂપિયાનો બિઝનેસ કરવાનો રેકોર્ડ બનાવ્યો છે.

આવા સમયે, આ ફિલ્મના ત્રીજા દિવસે એટલે કે રવિવારે, તેણે કમાણીના નવા સ્તરને સ્પર્શ કર્યો છે. રજાનો પૂરો લાભ ઉઠાવતા, 'અવતાર 2' એ રવિવારના રોજ 46.50 કરોડ રૂપિયાનું કલેક્શન કર્યું છે, જે અત્યાર સુધીનું સૌથી વધુ છે. આવી સ્થિતિમાં તેની કુલ કમાણી 132.95 કરોડ રૂપિયા થઈ ગઈ છે.

દ્રશ્યમ 2

બોલીવુડના શ્રેષ્ઠ અભિનેતા અજય દેવગનની આ વર્ષની સફળ અને શાનદાર ફિલ્મ 'દ્રશ્યમ 2' ની કમાણીનો ગ્રાફ હજૂ પણ વધી રહ્યો છે.

સસ્પેન્સ થ્રિલર ફિલ્મ છેલ્લા ચાર અઠવાડિયાથી થિયેટરોમાં રાજ કરી રહી હતી. હવે જ્યાં 'અવતાર 2' એ બોક્સ ઓફિસ પર સૌથી વધુકમાણી કરનારી ફિલ્મની ખુરશી પર કબ્જો જમાવ્યો છે, ત્યાં 'દ્રશ્યમ 2' હજૂ પણ કરોડોની કમાણી કરી રહી છે. ફિલ્મે તેના ચોથા રવિવારેફરી એકવાર સારું પ્રદર્શન કર્યું છે.

અજય દેવગનની આ ફિલ્મ દરરોજ લોકોને આશ્ચર્યમાં મૂકી રહી છે. પ્રારંભિક આંકડાઓઅનુસાર, 'દ્રશ્યમ 2' એ લગભગ રવિવારના રોજ 2.60 કરોડ રૂપિયાનો બિઝનેસ કર્યો છે.

સલામ વેન્કી

કાજોલ અને વિશાલ જેઠવાની ફિલ્મ 'સલામ વેન્કી' હવે 'અવતાર 2' અને 'દ્રશ્યમ 2' ના આભામાં દબાઇ ગઈ છે. વિવેચકો તરફથી સકારાત્મક સમીક્ષાઓ મળવા છતાં ફિલ્મને દર્શકો તરફથી બહુ પ્રેમ મળ્યો નથી. આ ફિલ્મે શરૂઆતના દિવસથી જ લાખોની કમાણી કરી હતી અને હવે આ ફિલ્મનું કલેક્શન અટકી ગયું છે.

English summary

Avatar 2 broke box office records, Dshyam 2 also did well