ભૂમિકા ચાવલાની ઓકાડૂ ફિલ્મની હિન્દી રીમેક બનશે

Updated: Wednesday, February 4, 2015, 14:11 [IST]

મુંબઈ, 8 ઑક્ટોબર : દક્ષિણ ભાષાની ફિલ્મોની હિન્દી રીમેક બનવી કોઈ નવી વાત નથી. ઘણી બધી રીમેક ફિલ્મો બની છે અને જોરદાર હિટ પણ થઈ છે. એવી જ એક તેલુગુ ભાષાની સુપર હિટ ફિલ્મ છે ઓકાડૂ કે જેમાં લોકપ્રિય અભિનેત્રી ભૂમિકા ચાવલાએ અભિનય કર્યો હતો. હવે આ જ ફિલ્મની હિન્દી રીમેક બનવાની છે.

આ અગાઉ તામિળ અને કન્નડમાં પણ આ ફિલ્મ બની ચુકી છે. પોતાની આ હિટ ફિલ્મની હિન્દી રીમેક બનવા અંગે ભૂમિકા કહે છે, ‘અગાઉ પણ દક્ષિણની ભાષાઓની ફિલ્મોની હિન્દી રીમેક બની ચુકી છે અને આ તમામ ફિલ્મો દર્શકોએ ખૂબ પસંદ પણ કરી છે, પરંતુ હવે જ્યારે મારી જ ફિલ્મની રીમેક બની રહી છે, તો મને ખૂબ જ આનંદ થઈ રહ્યો છે. મને પણ ઇન્તેજાર રહેશે આ ફિલ્મનો. હું જોવા માંગુ છું કે મારી એટલે કે સ્વપ્નાની ભૂમિકા કઈ અભિનેત્રી કરે છે.'

દક્ષિણના લગભગ તમામ મોટા કલાકારો સાથે કામ કરી ચુકેલ ભૂમિકા ચાવલા સાથે આ તેલુગુ ફિલ્મ ઓકાડૂ માટે મહેશ બાબૂ તેમજ પ્રશાંત રાજે કામ કર્યુ હતું. આ બંને જ અભિનેતાઓ દક્ષિણના સુપર સ્ટાર છે.