Pics : ક્રિશ 3માં હૃતિકનો ટ્રિપલ ડોઝ જોવા મળશે!

Updated: Tuesday, August 6, 2013, 14:04 [IST]

મુંબઈ, 6 ઑગસ્ટ : હૃતિક રોશન પોતાની આવનાર ફિલ્મ ક્રિશ 3માં ત્રણ અવતારોમાં નજરે પડશે. બૉલીવુડના જાણીતા ફિલ્મ નિર્માતા અને હૃતિકના પિતા રાકેશ રોશન જ આ ફિલ્મના નિર્માતા છે.

ક્રિશ 3 ફિલ્મનું પોસ્ટર તાજેતરમાં જ લૉન્ચ કરવામાં આવ્યું છે. આ પ્રસંગે રાજેશ રોશન અને હૃતિક રોશન તથા પ્રિયંકા ચોપરા તેમજ કંગના રાણાવત પણ હાજર હતાં. આ પ્રસંગે રાકેશ રોશને જણાવ્યું - ક્રિશ 3માં લોકોને હૃતિકના ત્રણ રૂપ જોવા મળશે. પ્રથમ પાત્ર કૃષ્ણાના પિતા રોહિતનું હશે, બીજું પાત્ર કૃષ્ણાનું, જ્યારે ત્રીજું મહત્વનું પાત્ર સુપરહીરો ક્રિશનું હશે. તેમણે જમાવ્યું કે પ્રિયંકા ચોપરા પણ ડબલ રોલમાં જોવા મળશે.

રાકેશ રોશને જણાવ્યું - પ્રિયંકા ચોપરા પોતાના પ્રથમ પાત્રમાં હૃતિક રોશનના પત્ની તરીકે નજરે પડશે, પણ અચાનક તેમનું પાત્ર બદલાઈ જશે. ફિલ્મમાં વિવેક ઓબેરૉય પણ છે. તેમણે સારૂં કામ કર્યું છે. તેઓ એક બહેતરીન અભિનેતા છે.

નોંધનીય છે કે ક્રિશ 3 રાકેશ રોશન નિર્મિત કોઈ મિલ ગયા (2003)ની ત્રીજી આવૃત્તિ છે. તેની બેજી આવૃત્તિ ક્રિશ 2006માં આવી હતી. ક્રિશ 3 ફિલ્મ આ વર્ષે દીવાળી પ્રસંગે 4થી નવેમ્બરે રિલીઝ થવાની છે.

હૃતિકનો સુપરમૅન અવતાર

હૃતિક રોશન પુનઃ એક વાર સુપરમૅન અવતારમાં ક્રિશ 3 લઈને આવી રહ્યાં છે.

પોસ્ટર લૉન્ચ

તાજેતરમાં જ નિર્માતા-દિગ્દર્શક રાકેશ રોશન અને હીરો હૃતિક રોશને ક્રિશ 3નું પોસ્ટર લૉન્ચ કર્યું. આ પ્રસંગે કંગના રાણાવત તથા પ્રિયંકા ચોપરા પણ હાજર હતાં.