Video: મેં સલમાન પાસે ભીખ માંગી કે મારી ફિલ્મ કરી લે....
મેં સલમાન પાસે ભીખ માંગી કે મારી ફિલ્મ કરી લે એવું કહેવું છે બોલિવૂડના ટોપ ડાયરેક્ટર કરણ જોહરનું. હાલમાં જ એક ઇન્ટરવ્યૂ દરમિયાન કરણ જોહરે પોતાની ફિલ્મ કુછ કુછ હોતા હૈ સાથે જોડાયેલી કેટલીક રસપ્રદ વાતો શેર કરી. જેમાં તમને એ પણ જણાવ્યું કે તેમને આ ફિલ્મના રોલ માટે સલમાન ખાન અને રાણી મુખરજી પાસે કામ કરવા માટે લગભગ ભીખ જ માંગી હતી.
કરણ જોહરે જણાવ્યું કે કુછ કુછ હોતા હૈ ફિલ્મ માટે શાહરુખ ખાન અને કાજોલ તો ફાઇનલ જ હતા. પરંતુ રાણી મુખરજી ના રોલ માટે ખૂબ જ મુશ્કેલી પડી હતી. આ રોલ માટે કરણ જોહર 8 અભિનેત્રીઓ પાસે ગયા હતા. પરંતુ બધાએ ના પાડી દીધી હતી કરણ જોહરે આગળ કહ્યું કે તેમની હાલત ભિખારી જેવી થઈ ગઈ હતી.
કરણ જોહરે જણાવ્યું કે તેવી જ હાલત સલમાન ખાન વાળા રોલ માટે પણ થઈ હતી. તેમને ક્યાં ક્યાં ફરવું પડ્યું હતું. પરંતુ આખરે સલમાન ખાન અને રાણી મુખરજી પાસે ભીખ માંગી કે તેમની ફિલ્મ કરી લે.
કરણ જોહરે રાણી મુખરજીને લેવા વિશે જણાવ્યું કે તેનો આઈડિયા આદિત્ય ચોપરા અને શાહરુખ ખાને આપ્યો હતો. તેમને રાણી મુખરજીની ફિલ્મ રાજા કી આયેગી બારાત જોઈ હતી અને કહ્યું હતું કે તે રોલમાં રાણી મુખરજી એકદમ ફિટ લાગશે. તે સમયે રાણી ગુલામ ફિલ્મનું શૂટિંગ કરી રહી હતી.