જેક્લીન ફર્નાન્ડીસને મુંબઈ એરપોર્ટ પર EDએ વિદેશ જવા અટકાવી, 200 કરોડની વસૂલાતના કેસને લઈને કાર્યવાહી!

તિહાર જેલ રિકવરી કેસમાં અભિનેત્રી જેક્લીન ફર્નાન્ડીઝની મુશ્કેલીઓ વધી રહી છે. જેક્લીન ફર્નાન્ડીઝને દેશ છોડતી વખતે મુંબઈ એરપોર્ટ પર રોકવામાં આવી છે. જેક્લીન એક શો માટે વિદેશ જઈ રહી હતી.

મુંબઈ, 05 ડિસેમ્બર : તિહાર જેલ રિકવરી કેસમાં અભિનેત્રી જેક્લીન ફર્નાન્ડીઝની મુશ્કેલીઓ વધી રહી છે. જેક્લીન ફર્નાન્ડીઝને દેશ છોડતી વખતે મુંબઈ એરપોર્ટ પર રોકવામાં આવી છે. જેક્લીન એક શો માટે વિદેશ જઈ રહી હતી. 200 કરોડના રિકવરી કેસમાં EDની ચાર્જશીટમાં જેક્લીન ફર્નાન્ડીઝનું નામ પણ સામેલ છે. ઇડી રિકવરી કેસમાં જેક્લીન સામે તપાસ કરી રહી છે.

200 કરોડની વસૂલાતનો કેસમાં કાર્યવાહી

EDએ જેક્લીન ફર્નાન્ડિસ સામે 200 કરોડ રૂપિયાની રિકવરી કેસમાં લુક આઉટ સર્ક્યુલર જારી કર્યો છે, જે બાદ હવે અધિકારીઓએ તેને એરપોર્ટ પર રોકી હતી. તે દેશની બહાર એક શો માટે જઈ રહી હતી. જો કે, તેને કસ્ટડીમાં લેવામાં આવી નથી. થોડા દિવસો પહેલા અભિનેત્રીને ED દ્વારા તેની ઓફિસમાં બોલાવવામાં આવી હતી અને સાક્ષી તરીકે તેની પૂછપરછ કરવામાં આવી હતી. મની લોન્ડરિંગનો આ મામલો સુકેશ ચંદ્રશેખર સાથે સંબંધિત છે.

આરોપી સાથે ફોટો વાયરલ થયા હતા

EDએ તેની ચાર્જશીટમાં કહ્યું છે કે સુકેશ ચંદ્રશેખરે દાવો કર્યો છે કે તેણે જેક્લીન ફર્નાન્ડીઝને 10 કરોડ રૂપિયાથી વધુની મોંઘી ભેટ મોકલી હતી. EDએ તેની પ્રથમ ચાર્જશીટમાં સુકેશ ચંદ્રશેખરનું 200 કરોડની ખંડણીના કેસમાં મુખ્ય આરોપી તરીકે નામ આપ્યું હતું. ચાર્જશીટમાં જેકલીન ફર્નાન્ડીઝ ઉપરાંત ડાન્સર નોરા ફતેહીનું નામ પણ સામેલ છે. હાલમાં જ જેક્લીનની સુકેશ સાથેની અંગત પળોની તસવીર પણ સોશિયલ મીડિયા પર વાયરલ થઈ હતી.

જેકલીનને મોંઘી ગિફ્ટ આપવામાં આવી હતી

ચાર્જશીટ મુજબ પૂછપરછ દરમિયાન કોનમેન સુકેશ ચંદ્રશેખરે કહ્યું છે કે તેણે અભિનેત્રી જેક્લીન ફર્નાન્ડિઝને અત્યાર સુધીમાં 10 કરોડ રૂપિયાની ગિફ્ટ આપી છે, જેમાંથી 52 લાખ રૂપિયાની કિંમતનો ઘોડો અને 9 લાખ રૂપિયાની પર્શિયન બિલાડી ગિફ્ટ કરવામાં આવી છે. ચાર્જશીટમાં અભિનેત્રી નોરા ફતેહીના નામનો પણ ઉલ્લેખ કરવામાં આવ્યો છે. ચાર્જશીટ મુજબ સુકેશે જેક્લીનને એક બિલાડી, ઘોડો, હીરાના ઘરેણાં અને ઘણા મોંઘા દાગીના આપ્યા છે. આ સિવાય જેક્લીનને ગિફ્ટમાં એક કાર પણ મળી હતી. વાસ્તવમાં સુકેશે જેક્લીનને ચાર પર્શિયન બિલાડીઓ ભેટમાં આપી હતી. દરેક બિલાડીની કિંમત 9 લાખ છે.

English summary

Jacqueline Fernandez stopped by ED at Mumbai airport,