'વિશ્વરૂપ પર બેનથી દુ:ખી પણ હું ભારતમાં જ રહીશ'

મુંબઇ, 31 જાન્યુઆરી: જાણીતા અભિનેતા કમલ હસને મુંબઇ ખાતે પત્રકાર પરિષદમાં જણાવ્યું કે તેમણે ગુસ્સામાં આવી જઇને દેશ છોડવાની વાત ભલે કરી હોય પરંતુ તેઓ ભારતમાં જ રહેશે. તેમણે પોતાની ફિલ્મ વિશ્વરૂપમને મળેલ સમર્થન માટે મીડિયા, જનતા સહિત સૌ કોઇનો આભાર માન્યો અને કહ્યું કે ફિલ્મ પર લાગેલા પ્રતિબંધથી હું દુ:ખી છું.

તેમણે જણાવ્યું કે આ લડતમાં હું એકલો નથી આપ સૌ પણ મારી સાથે છો એનો મને આનંદ છે. તેમણે જણાવ્યું કે દેશ છોડવાની વાત ગઇકાલે મે ગુસ્સામાં કરી હતી પરંતુ હું તો માત્ર ભારતીય લોકો માટે ફિલ્મો બનાવું છું. તેમણે જણાવ્યું કે આજે હું જે કંઇપણ છું એ માત્રને માત્ર મારા પ્રશંસકોના કારણે છું. કમલ હસને જણાવ્યું કે વિશ્વરૂપમ ફિલ્મ કોઇની પણ લાગણીઓને ઠેસ નથી પહોંચાડતી. તેમણે જણાવ્યું કે ફિલ્મનો વિરોધ ધર્મના કારણે નથી થઇ રહ્યો.

ઉલ્લેખનીય છે કે મદ્રાસ હાઇકોર્ટની ડબલ બેન્ચે ફિલ્મ પર 6 ફેબ્રુઆરી સુધી ફિલ્મ પર રોક લગાવી દીધી છે. કાર્યવાહક મુખ્ય ન્યાયાધીશ એલિપ ધર્મારાવ અને અરૂણા જગદીશને સિંગલ બેન્ચના નિર્ણયને પલટી નાખ્યો હતો. સિંગલ બેન્ચે ફિલ્મ પર લગાવવામાં આવેલા પ્રતિબંધને ખોટો ગણાવી ફિલ્મના પ્રદર્શનની અનુમતિ આપી હતી.

English summary

Kamal Haasan thanks fans, says got huge support from Muslims.