PICS : પંજાબી કુડી સિમરન સાથે Romancing Debut કરશે કપિલ...

Published: Tuesday, October 14, 2014, 10:59 [IST]

મુંબઈ, 14 ઑક્ટોબર : કૉમેડી કિંગ કપિલ શર્મા બૉલીવુડમાં ડૅશિંગ એંટ્રી કરવા જઈ રહ્યા છે. તેઓ અબ્બાસ મસ્તાનની આગામી ફિલ્મના હીરો હશે. આ દિગ્દર્શક જોડી કપિલ શર્મા સામે હીરોઇન તરીકે કોઈ પંજાબી પરિવારના ગ્લૅમરસ ચહેરાની શોધ કરી રહી હતી.

અબ્બાસ મસ્તાનની આ શોધ સુંદર મૉડેલ સિમરન કૌર મુંડી ઉપર આવીને થંભી ગઈ. તેઓ ભૂતપર્વ મિસ યુનિવર્સ છે. તેઓ બે પંજાબી ફિલ્મો અને એક તેલુગુ ફિલ્મમાં કામ કરી ચુક્યા છે. સિમરન કૌર મુંડી બૉલીવુડમાં પણ એકતા કપૂર નિર્મિત ફિલ્મ કુકુ માથુર કી ઝંડ હો ગઈ દ્વારા ડેબ્યુ કરી ચુક્યા છે.

નોંધનીય છે કે કપિલ શર્મા કૉમેડીની દુનિયાનું મોટુ નામ છે. તેમનો શો કૉમેડી નાઇટ્સ વિથ કપિલ આજે દુનિયા ભરમાં વખણાય છે. તેઓ સ્ટૅન્ડિંગ કૉમેડીના માંધાતા છે. અગાઉ તેમનું યશ રાજ ફિલ્મ્સની બૅંક ચોર ફિલ્મ સાથે બૉલીવુ઼ડ ડેબ્યુ થવાનુ હતું, પરંતુ પોતાના ટેલીવિઝન શો માટે ફાળવેલ સમયના પગલે તેઓ ફિલ્મ માટે સમય નહોતા આપી શક્યા અને આ ફિલ્મ તેમના હાથેથી નિકળી ગઈ હતી. હવે તેઓ અબ્બાસ મસ્તાનની ફિલ્મ સાથે ડેબ્યુ કરવા જઈ રહ્યા છે.

સિમરન કૌર ભાગ્યશાળી છે કે તેમને આ રોલ માટે પસંદ કરવામાં આવી. અબ્બાસ મસ્તાન તેમના અગાઉના પ્રદર્શનથી માહિતગાર છે અને એટલે જ તેમણે સિમરન ઉપર પસંદગી ઉતારી.

સિમરન કૌર મુંડી કપિલ શર્મા સાથેની આ ફિલ્મ પામી ખૂબ જ ઉત્સાહિત છે. આ ફિલ્મ વડે તેઓ પહેલી વખત કૉમેડી ક્ષેત્રે પ્રવેશ કરશે. ફિલ્મમાં એલી અવરમ તથા વરુણ શર્મા પણ છે.

સિમરન કૌર મુંડીએ કહ્યું, ‘હું હાલના કિંગ ઑફ કૉમેડી કપિલ શર્મા સાથે સ્ક્રીન શૅર કરવા અંગે સુપર એક્સાઇટેડ છું. હું તેમની કૉમેડીની ફૅન છું. તેમના જોક્સ મને ખૂગ ગમે છે. તેમની સાથેનું કૉમિક ટાઇમિંગ જાળવવું ખૂબ જ મુશ્કેલ છે, પણ હું આગળ તરફ જોઈ રહી છું.'