Pics : સિંઘમ 2માં કરીના કપૂર, ઉમંગ 2014માં જાહેરાત

Published: Monday, January 20, 2014, 11:30 [IST]

મુંબઈ, 20 જાન્યુઆરી : મુંબઈ પોલીસનું પોલીસ ચૅરિટી ફંક્શન ઉમંગ 2014 શનિવારની રાત્રે ધામધૂમપૂર્વક યોજાયું. આ સમારંભમાં આખુ બૉલીવુડ ઉમટી પડ્યુ હતું. અમિતાભ બચ્ચનથી લઈ શાહરુખ ખાનની હાજરી વચ્ચે ક્રિકેટના ભગવાન સચિન તેંડુલકરની હાજરી પણ નોંધનીય હતી.

ઉમંગ 2014 પ્રસંગે મુંબઈ પોલીસ કમિશ્નર સત્યપાલ સિંહે એક મહત્વની જાહેરાત પણ કરી અને એ જાહેરાત એ હતી કે વર્ષ 2011ની હિટ ફિલ્મ સિંઘમની સિક્વલ સિંઘમ 2 બનાવવામાં આવશે. એટલું જ નહીં, સિંઘમ 2માં અજય દેવગણ સાથે કરીના કપૂર લીડ રોલમાં હશે. સિંઘમમાં કાજલ અગ્રવાલ હતાં.

પોલીસ ફંક્શનમાં કરીના કપૂરે સિંઘમની ટ્યુન્સ ઉપર એન્ટ્રી કરી, જ્યારે અજય દેવગણ કારમાં આવ્યાં અને તેમણે પોલીસની યુનિફૉર્મ પહેરી રાખી હતી. પછી ફિલ્મના દિગ્દર્શક રોહિત શેટ્ટી પણ અજય અને કરીના સાથે નજરે પડ્યાં. આ પ્રસંગે એક સ્પેશિયલ પ્રોમો પણ બનાવાયુ હતું કે જેને દર્શાવવામાં આવ્યું. સિંઘમ 2નું શૂટિંગ માર્ચમાં શરૂ થશે.

આ કાર્યક્રમમાં સચિન તેંડુલકરનું મુંબઈ પોલીસ કમિશ્નર સત્યપાલ સિંહ દ્વારા સન્માન કરવામાં આવ્યું, તો કૅટરીના કૈફ અને વાણી કપૂરે પરફૉર્મ પણ કર્યું. કાર્યક્રમમાં આશા ભોસલેની હાજરી પણ નોંધનીય હતી. શાહરુખ ખાને હની સિંહ સાથે લુંગી ડાન્સ... ગીત ઉપર ઠુમકાં પણ લગાવ્યાં.

ચાલો હાલ તો જોઇએ ઉમંગ 2014ની તસવીરી ઝલક :