ફરી નજીક આવશે સલમાન-કૅટરીના!
મુંબઈ, 6 જુલાઈ : સલમાન ખાન અને કૅટરીના કૈફ વચ્ચેના સંબંધો અંગે જેટલી વાતો કરીએ, એટલી જ ઓછી છે, કારણ કે તેઓ ક્યારેય નજીક આવી જાય છે ને ક્યારે દૂર જતાં રહે છે, ખબર જ નથી પડતી.
આજકાલ બંને વચ્ચે અંતર જળવાયેલું છે, પણ ટુંકમાં જ બંને નજીક પણ આવી જશે. બસ સૂરજ બરજાત્યાની હાની વાર છે. હા જી, કારણ કે રાજશ્રી પ્રોડક્શનની આવનાર નવી ફિલ્મમાં સલમાનના નાયિકા તરીકે કૅટરીના કૈફનું નામ જોરથી ચગી રહ્યું છે. મૈંને પ્યાર કિયા, હમ સાથ સાથ હૈં અને હમ આપકે હૈં કૌન જેવી ફિલ્મો બનાવી ચુકેલા રાજશ્રી પ્રોડક્શનના એક ટોચના અધિકારીએ જણાવ્યું કે સૂરજ બરજાત્યા પોતાની ફિલ્મનું શૂટિંગ વિદેશમાં કરવા માંગે છે. તેથી સારી લોકેશનની શોધમાં વિદેશમાં ફરી રહ્યાં છે. સ્વદેશ પરત ફર્યા બાદ જ સૂરજ કોઈ અભિનેત્રીનું નામ ફાઇનલ કરશે.
સલમાન સાથેની આ ફિલ્મ માટે સૌપ્રથમ અનુષ્કા શર્માનું નામ ચર્ચામાં આવ્યુ હતું. તે પછી ઇલિયાના અને પરિણીતી ચોપરા પણ ચર્ચામાં છે. હવે કદાચ કૅટરીના કૈફ પણ આ યાદીમાં શામેલ થઈ ગયાં છે. હવે જો કૅટનું નામ ફાઇનલ થાય, તો સ્વાભાવિક છે કે સલમાન-કૅટ પુનઃ નજીક આવી શકે છે. ખાસ વાત એ પણ છે કે સલમાન ખાન અત્યાર સુધીની રાજશ્રી ત્રણેય ફિલ્મોમાં નાના ભાઈની ભૂમિકામાં હતાં, પરંતુ આ વખતે તેઓ મોટા ભાઈનો રોલ કરશે. ફિલ્મનું શૂટિંગ ઑક્ટોબરમાં શર થશે અને નાના ભાઈનો રોલ અર્જુન કપૂર ભજવશે.
Click it and Unblock the Notifications
Sign in with Google
