krrish 3 : જાવેદ અખ્તર દંગ, સુરેશ ઓબેરૉયની છાતી ફુલાઈ!

મુંબઈ, 1 નવેમ્બર : ક્રિશ 3 ફિલ્મ આજે રિલીઝ થઈ ગઈ છે. ગઈકાલે રાત્રે ફિલ્મની સ્પેશિયલ સ્ક્રીનિંગ યોજાઈ ગઈ કે જેમાં હૃતિક રોશન સહિત જાણીતી હસ્તીઓ હાજર હતી. ફિલ્મ જોયા બાદ જાણીતા ગીતકાર-લેખક જાવેદ અખ્તર દંગ રહી ગયાં, તો વિવેક ઓબેરૉયની એક્ટિંગ જોઈ પિતા સુરેશ ઓબેરૉય ગદ્ગદ્ થયાં અને તેમની છાતી ફુલાઈ ગઈ.

જાવેદ અખ્તરે જણાવ્યું - મને આશ્ચર્યમાંથી બહાર આવતા એક-બે દિવસ લાગશે. હું એ જોઈને દંગ છું કે આપણાં દેશમાં પણ આવા ઉમ્દાપણા અને હાઈટેક્નિક સાથે ફિલ્મો બની શકે છે. ફિલ્મમાં જે ટેક્નિક્સ અને સ્પેશિયલ ઇફેક્ટ્સ છે, તે કોઈ પણ આંતરરાષ્ટ્રીય કક્ષાની ફિલ્મ કરતાં ઓછા નથી. હું રાકેશ રોશનને અભિનંદન પાઠવું છું. ક્રિશ 3 સાચે જ એક દિગ્દર્શકની ફિલ્મ છે. તેમણે જે રીતે આ ફિલ્મ બનાવી, તે અદ્ભુત છે.

દરમિયાન ક્રિશ 3માં કાલ તરીકે વિલનનો રોલ કરતાં વિવેક ઓબેરૉયના પિતા સુરેશ ઓબેરૉયે પણ ક્રિશ 3 જેવી ફિલ્મ બનાવવા બદલ રાકેશના વખાણ કર્યાં છે. સુરેશે જણાવ્યું કે આ ફિલ્મમાં વિલન કાલના પાત્રે વિવેકને એક નવું જીવન અને નવો આત્મવિશ્વાસ આપ્યાં છે. સુરેશે જણાવ્યું - કાલના વખાણ કરવાનો મતલબ પ્રત્યક્ષ રીતે રાકેશ રોશનના વખાણ છે. આ પરિવાર અને રાકેશ રોશને વિવેકને નવું જીવન, નવો આત્મવિશ્વાસ અને નવી શરુઆત આપ્યાં છે. મને નથી લાગતું કે મેં ક્રિશ 3 કરતાં બહેતર ફિલ્મ જોઈ છે.

આ પ્રસંગે વિવેક ઓબેરૉય પણ રાકેશ રોશન ઉપર ઓળઘોળ દેખાયાં. વિવેકે જણાવ્યું - જે કંઈ મારા પિતાએ કહ્યું, તે એકદમ સાચુ છે. મેં આજે પહેલી વાર આ ફિલ્મ જોઈ અને હું ભુલી ગયો કે હું કાલ છું. હું બાળકોની જેમ ફિલ્મનો આનંદ લેતો હતો. હું હસી અને રડી રહ્યો હતો.

English summary

Acclaimed writer-lyricist Javed Akhtar is stunned after seeing "Krrish 3" and is amazed to see the level of techniques and special effects in the film. Veteran actor Suresh Oberoi has applauded Rakesh Roshan for making "Krrish 3" and also giving his son Vivek a new life and confidence as the villain Kaal.