આયુષ્માનને દિગ્દર્શિત કરવા માંગે છે કુણાલ રૉય કપૂર
મુંબઈ, 18 એપ્રિલ : બૉલીવુડ ફિલ્મ દિગ્દર્શક કુણાલ રૉય કપૂર તાજેતરમાં જ રિલીઝ થયેલ નૌટંકી સાલા ફિલ્મમાં આયુષ્માન ખુરાના અભિનયથી ખૂબ જ પ્રભાવિત થયાં છે. કુણાલ એક ફિલ્મમાં આયુષ્માનને દિગ્દર્શિત કરવાની ઇચ્છા ધરાવે છે.
વિકી ડૉનર ફિલ્મના મુખ્ય પાત્ર આયુષ્માન અંગે પોતાની યોજના વિશે કુણાલે જણાવ્યું - હું આયુષ્માન સાથે કામ કરવા માંગુ છું અને તેમના અભિનયથી એટલો બધો પ્રભાવિત થયો છું કે એક દિવસ હું તેમને જરૂર દિગ્દર્શિત કરીશ.
નોંધનીય છે કે ફિલ્મોમાં આવતા અગાઉ કુણાલ થિયેટરોમાં કામ કરતા હતાં અને વર્ષ 2006માં તેમના દ્વારા દિગ્દર્શિત ધ પ્રેસિડેંટ ઇઝ કમિંગ ફિલ્મ બની હતી. એક અભિનેતા તરીકે કુણાલે લાઇન્સ ઑફ પંજાબ પ્રેઝેંટ તથા દેહલી બેલી ફિલ્મોમાં કામ કર્યું છે.
દરમિયાન કુણાલ રૉય કપૂરના ભાઈ અભિનેતા આદિત્ય રૉય કપૂર આશિકી 2 ફિલ્મમાં આવી રહ્યાં છે. યૂટીવીના પ્રમુખ સિદ્ધાર્થ રૉય કપૂરના ભાઇઓ કુણાલ તથા આદિત્ય પોતાની રીતે બૉલીવુડમાં સેટ થયાં છે. કુણાલે જણાવ્યું કે તેઓ આશિકી 2 ફિલ્મની આખી ટીમ માટે પ્રાર્થના કરે છે.