Mahesh Babu: સાઉથના સુપરસ્ટાર મહેશ બાબૂની દીકરીએ મેળવી મોટી ઉપલબ્ધિ, પિતાએ વ્યક્ત કરી ખુશી

Mahesh Babu's daughter sitara: સાઉથના સુપરસ્ટાર મહેશ બાબુએ સોશિયલ મીડિયા દ્વારા પોતાની ખુશી પોતાના ફેન્સ સાથે શેર કરી છે. આ ખુશી પાછળનું કારણ છે મહેશ બાબુની 11 વર્ષની દીકરી સિતારા, જેણે નાની ઉંમરમાં જ ન્યૂયૉર્કના ટાઈમ્સ સ્કવેર બિલબોર્ડ પર મૉડલ તરીકે પોતાનું સ્થાન બનાવ્યું છે.

સાઉથ સુપરસ્ટાર મહેશ બાબુ તેમની ફિલ્મોને તેના ચાહકો તરફથી મળતા અપાર પ્રેમ માટે ઘણીવાર ચર્ચામાં રહે છે. જો કે, આ વખતે અભિનેતા એક અલગ કારણસર ગર્વ અનુભવી રહ્યા છે. અભિનેતાના આ ગૌરવનું કારણ તેમની પુત્રી સિતારા છે.

સુપર સ્ટાર મહેશ બાબુ અને નમ્રતા શિરોડકરની વ્હાલી દીકરી સિતારાએ માત્ર 11 વર્ષની ઉંમરે એ પરાક્રમ કરી બતાવ્યું, જે કરવાની ક્ષમતા દરેકમાં નથી હોતી. સિતારા ટાઇમ્સ સ્ક્વેરમાં દેખાનાર પ્રથમ સ્ટારકીડ બની ગઈ છે.

મહેશ બાબુ ખૂબ જ ખુશી અને ગર્વ અનુભવી રહ્યા છે કારણ કે તેમની પુત્રી સિતારાએ એક એવુ કામ કરી બતાવ્યુ છે જે તેમણે ટૉલીવુડ હીરો તરીકેની તેમની 24 વર્ષની લાંબી કારકિર્દીમાં નથી કર્યુ. 11 વર્ષીય સ્ટાર પહેલેથી જ એક મોડેલ છે અને જ્વેલરી બ્રાન્ડનો ચહેરો છે.

આ બ્રાન્ડે 4 જુલાઈના રોજ પ્રખ્યાત ટાઈમ્સ સ્ક્વેર બિલબોર્ડ પર સ્ટાર કિડ દર્શાવતી તેમની જાહેરાત ચલાવી હતી. આ જોઈને મહેશ પોતાની જાતને રોકી ન શક્યા અને પોસ્ટ કરીને પોતાની ખુશી વ્યક્ત કરી. બિલબોર્ડની તસવીર શેર કરતા, ટૉલીવુડ સુપરસ્ટારે કેપ્શનમાં લખ્યું, 'ટાઈમ્સ સ્ક્વેરને રોશન કરો!! મને તારા પર ગર્વ છે. મારી ફાયર ક્રેકર. આ રીતે ચમકતી રહે.

ચાહકો સહિત સ્ટાર્સ પણ અભિનેતાની પોસ્ટ પર ટિપ્પણી કરીને સિતારાને તેની સિદ્ધિ બદલ અભિનંદન આપતા જોવા મળે છે. સિતારા સોશિયલ મીડિયા પર સૌથી લોકપ્રિય સ્ટારકિડ્સમાંથી એક છે. કામની સાથે સિતારા હૈદરાબાદથી પોતાનો અભ્યાસ પણ પૂર્ણ કરી રહી છે.

English summary

Mahesh Babu's 11 year old daughter Sitara has made her place as a model on New York's times square billboard.