લગ્નનો મુદ્દો આઉટડેટેડ થઈ ચુક્યો છે - મલ્લિકા

મુંબઈ, 29 સપ્ટેમ્બર : મલ્લિકા શેરાવત કે જેનું નામ હૉલીવુડ એક્ટર એન્ટોનિયો બૅન્ડ્રસ સાથે ઘણાં વખતથી જોડવામાં આવી રહ્યુ હતું તેણે જણાવ્યું છે કે તે પોતાનું સમગ્ર જીવન એકલી વિતાવવા માંગે છે. મલ્લિકાનું કહેવું છે કે તે ક્યારેય લગ્ન નહિં કરે. તેને માટે લગ્નનો મુદ્દો આઉટડેટેડ થઈ ચુક્યો છે અને તેને સિંગલ રહેવું પસંદ છે.

મલ્લિકા હાલ 35 વરસની થઈ ચુકી છે અને તે નથી ઇચ્છતી કે લગ્ન કરી તે પોતાની ફૅન ફૉલોઇંગ ગુમાવી નાંખે.

તાજેતરમાં જ પીટીઆઈ સાથેના એક ઇન્ટરવ્યૂ દરમિયાન મલ્લિકાએ જણાવ્યું, ‘મને નથી લાગતું કે હું ક્યારેય લગ્ન કરીશ. હું એટલા માટે કહુ છું કારણ કે મને લાગે છે લગ્નની વાત આઉટડેટેડ થઈ ચુકી છે. મને સિંગલ રહેવું પસં છે. હું શું કામ લગ્ન કરી પોતાના ફૅન્સનો પ્રેમ અને તેમનું ડિવોશન સેક્રીફાઇઝ કરું. મેં ક્યારેય નથી વિચાર્યું કે કયા પ્રકારના માણસ સાથે હું લગ્ન કરવા માંગુ છું. હું હાલ બહુ વ્યસ્ત છું અને બૉલીવુડ સાથે હૉલીવુડ ફિલ્મ પણ કરી રહી છું. સાથે જ પોતાના જીવનની મજા લુંટી રહી છું.'

મલ્લિકા અને હૉલીવુડ એક્ટર એન્ટોનિયો બૅન્ડ્રસ વચ્ચે અફૅરના સમાચારો ત્યારથી આવી રહ્યાં છે, જ્યારથી બંને કેન્સ ફેસ્ટિવલ દરમિયાન યોજાયેલ સેલિબ્રિટી પાર્ટીમાં એક-બીજા સાથે ડાંસ કરતાં જોવામાં આવ્યાં. જ્યારે મલ્લિકાને આ અંગે પૂછવામાં આવ્યું, તો તેમણે જણાવ્યું, ‘આ અંગે હું કોઈ કૉમેન્ટ કરવા નથી માંગતી. મને નથી ખબર કે શું કામ લોકો આ વાત એટલી ચગાવી રહ્યાં છે. મને આ અંગે કોઈ કૉમેન્ટ નથી કરવી.'

પોતાના ફૅશન અંગે મલ્લિકાએ જણાવ્યું કે તેની પસંદગી બહુ બોલ્ડ છે કારણ કે તેમનું જીવન તરફ જોવાનું દૃષ્ટિકોણ જ બોલ્ડ છે. તેમણે જણાવ્યું, ‘મારી ફૅશનને લગતી પસંદગી બહુ બોલ્ડ છે કારણ કે મારી વિચારસરણી તેવી જ છે. મને સરહદો ઓળંગવું પસંદ છે. ભારતમાં ઘણી વાર મારા કપડા અંગે મને ક્રિટીસાઇઝ કરવામાં આવી, પરંતુ વિદેશોમાં એવું ક્યારેય થયુ નથી.'

મલ્લિકા પોતાની આવનાર ફિલ્મ કિસ્મત લવ પૈસા દિલ્લીને લને બહુ ઉત્સાહિત છે. આ ફિલ્મમાં તે વિવેક ઓબેરૉય સાથે નજરે પડશે.

English summary

Mallika Sherawat, who has been allegedly linked up with Hollywood actor Antonio Banderas, revealed that she would not get married ever in life. For her, marriage is outdated and she loves being single.