મારા સૌથી મોટા ટીકાકાર મારા માતા છે : સોનાક્ષી

મુંબઈ, 18 ડિસેમ્બર : લૅડી શૉટગન એટલે કે સોનાક્ષી સિન્હા આજકાલ પોતાની આવનાર ફિલ્મ દબંગ 2 અંગે ખૂબ ચર્ચામાં છે. તેના માટે તેઓ દરેક જગ્યાએ પ્રમોશન ઇવેન્ટમાં દેખાઈ રહ્યાં છે. એવા જ એક પ્રોગ્રામમાં ફિલ્મ અંગે માહિતી આપતાં સોનાક્ષીએ જણાવ્યું કે તેમના સૌથી મોટા ટીકાકાર તો તેમના માતા પૂનમ સિન્હા છે. મારી દરેક હરકત પર મારા માતાની નજર હોય છે. માતા જ મને બતાવે છે કે મારી ઉપર શું સારૂં લાગે છે અને શું નહીં. મેં ફિલ્મમાં કેવી એક્ટિંગ કરી છે. તે પણ મને મારા માતા પાસેથી જ જાણવા મળે છે. તેથી હું તેમની સુચનાઓને ખૂબ જ ગંભીરતાપૂર્વક ફૉલો કરૂ છું.

સોનાક્ષી સિન્હાએ જણાવ્યું કે તેઓ ફિલમો સાઇન કરતા અગાઉ પોતાના માતા-પિતાને જરૂર પૂછે છે, કારણ કે તેઓ બંને અનુભવી છે અને મને યોગ્ય સલાહ આપે છે. જોકે સોનાક્ષી કાયમ લોકોને આ બતાવતાં રહે છે કે પૂનમ સિન્હા તેઓની સૌથી વધુ નજીક છે. પૂનમ જ તેમના બેસ્ટ ફ્રેન્ડ છે. ક્યાંક આની પાછળનું કારણ એ તો નથી કે સામાન્ય રીતે સોનાક્ષી વિશે લોકો વાતો કરે છે કે તેઓ પૂનમ નહીં, પણ તેમના પિતા શત્રુઘ્ન સિન્હાના કોઈક સમયના કથિત ગર્લફ્રેન્ડ રીના રૉયના પુત્રી છે. એ તો સૌ જાણે છે કે સોનાક્ષી બિલ્કુલ રીના જેવાં જ લાગે છે. ખેર આ તો એક ભારે સસ્પેંસ છે, જેના ઉપરથી ક્યારેય પડદો ઉંચકાશે કે નહીં, કંઇ કહી શકાય નહીં.

હાલ તો આપને જણાવી દઇએ કે દબંગ 2 ફિલ્મમાં સોનાક્ષી ફરી એક વાર સલમાન ખાન સાથે નજરે પડવાનાં છે. ફિલ્મ 21મી ડિસેમ્બરના રોજ રિલીઝ થવાની છે અને તેના દિગ્દર્શક સલમાનના ભાઈ અરબાઝ ખાન છે.

English summary

My mother is my biggest critic said Sonakshi Sinha, But Whar Was The Reason Behind this.