નવ અજાણ્યા શખ્સો પહોંચ્યા નશાના સેટ પર

મુંબઈ, 21 નવેમ્બર : કિંગફિશર મૉડેલ પૂનમ પાન્ડે હાલ મહાબળેશ્વર ખાતે પોતાની આગામી એડલ્ટ ફિલ્મ નશાનું શુટિંગ કરી રહી છે. પોતાના સેક્સી તેમડ બોલ્ડ ટ્વિટ વડે લોકોના દિલમાં ઉત્સુકતા પેદા કરનાર પૂનમ માટે તે વખતે મુશ્કેલી ઊભી થઈ ગઈ કે જ્યારે ફિલ્મના સેટ પર નવ અજાણ્યા લોકો પૂનમ સાથે હાથ મેળવવા પહોંચી ગયાં. શુટિંગ કરતા પૂનમે અનુભવ્યું કે કેટલાંક અજાણ્યા લોકો તેને પાંપણ ફફડાવ્યા વગર વિચિત્ર નજરે જોઈ રહ્યાં છે.

પૂનમને પહેલાં તો લાગ્યું કે તે અજાણ્યા લોકો ક્રૂ મેમ્બર્સ છે, પરંતુ પછી તેમને શંકા ગઈ. તે નવ જણા પૂનમ પાસે આવ્યાં અને પરાણે હાથ મેળવવાના પ્રયત્ન કરવા લાગ્યાં ત્યારે પૂનમની શંકા વિશ્વાસમાં બદલાઈ ગઈ. તેણે તરત પોલીસને જાણ કરી. થોડીક જ વારમાં પોલીસ પહોંચી ગઈ.

પોલીસની પૂછપરછમાં જાણવા મળ્યું કે તે અજાણ્યા લોકો પૂનમના ફૅન્સ છે અને પૂનમને મળવા સેટ ઉપર પહોંચ્યા હતાં. ખેર, પૂનમ પાન્ડેને એ વાતની ખુશી તો થતી જ હશે કે લોકો હવે તેને મળવા માટે આ હદે જવા પણ તૈયાર છે.

આ અગાઉ વર્ષ 2011માં મુંબઈમાં એક જાહેર ગણપતિ મહોત્સવમાં જ્યારે પૂનમ પાન્ડે સ્કર્ટ પહેરી પહોંચી હતી, તો ત્યાં પણ લોકો પૂનમ સાથે હાથ મેળવવા તલપાપડ બન્યા હતાં. તે વખતે પણ લોકોને રોકવું પોલીસ માટે મુશ્કેલ થઈ ગયુ હતું. પોલીસે પૂનમને બીજી વાર સાડી પહેરી આવવા જણાવ્યુ હતું. તેથી આ વર્ષે પૂનમ સાડી પહેરી ગણપતિ મહોત્સવમાં પહોંચી હતી.

પૂનમ પાન્ડેની આ પ્રથમ ફિલ્મ નશાનું દિગ્દર્શન અમિત સક્સેના કરી રહ્યાં છે.

English summary

Nine unidentified men On Nasha set, Poonam Panday Worried.