હવે ભારત-ચીન તણાવ મુદ્દે બનશે ફિલ્મ ‘માતરમ્’
મુંબઈ, 16 ઑગસ્ટ : ભારત-પાકિસ્તાન મુદ્દે તો અનેક ફિલ્મો બની છે અને એ પણ એટલી ફિલ્મો કે ગણીએ તોય ન ગણી શકાય, પણ હવે ભારત-ચીન મુદ્દે ફિલ્મ બનવા જઈ રહી છે.
તાજેતરમાં જ ચીન દ્વારા ભારતીય સરહદે વધેલી ચહેલકદમીના પગલે ભારત-ચીન સમ્બંધો ચર્ચાના એરણે રહ્યાં છે. અવારનવાર ચીન ભારતની સમ્પ્રભુતા અને સલામતીને પડકાર ફેંકતું રહ્યું છે. તેવામાં નવોદિત દિગ્દર્શક સુરેન્દ્ર દુબે ભારત - ચીન તણાવ મુદ્દે એક ફિલ્મ બનાવવાનું વિચારી રહ્યાં છે. તેનું શૂટિંગ આ વર્ષના અંતે શરૂ થઈ જશે.
સુરેન્દ્ર દુબેએ જણાવ્યું કે તેમની આ ફિલ્મનું નામ માતરમ્ હશે. આ ફિલ્મ ભારતીય સેનાની પૃષ્ઠભૂમિ પર બનનાર ઐતિહાસિક ફિલ્મ હશે. ફિલ્મમાં અનેક કલાકારો હશે કે જેમના નામો અંગે હજી ખુલાસો કરાયો નથી.
તેમણે જણાવ્યું - અમે ફિલ્મોદ્યોગના કેટલાંક દિગ્ગજ કલાકારોને માતરમ્ ફિલ્મમાં લેવાની યોજના બનાવી રહ્યાં છે. હજી સુધી અમે કોઈની પસંદગી કરી નથી.
Click it and Unblock the Notifications
Sign in with Google
