Oscars 2023: અવૉર્ડ જીતનારાને ટ્રોફી સાથે મળે છે આ પ્રાઈઝ મની, સાથે મળે છે કરિયરમાં આ ફાયદા

આજે અમે તમને જણાવવા જઈ રહ્યા છે કે વિજેતાઓને સોનાની આ પ્રતિમા સાથે કેટલી પુરસ્કાર રકમ મળે છે.

Oscars 2023: 95માં એકેડમી પુરસ્કારની જાહેરાત થઈ ચૂકી છે. જેમાં ભારતમાંથી એસએસ રાજામૌલીની ફિલ્મ આરઆઆના નાટુ નાટુ ગીતને બેસ્ટ ઓરિજિનલ સૉંગ અને ધ એલિફન્ટ વ્હીસપર્સને બેસ્ટ ડૉક્યુમેન્ટરી શૉર્ટ ફિલ્મ માટે ઑસ્કર અવૉર્ડ મળ્યો છે. આજે અમે તમને જણાવવા જઈ રહ્યા છે કે વિજેતાઓને સોનાની આ પ્રતિમા સાથે કેટલી પુરસ્કાર રકમ મળે છે.

ઑસ્કર જીતવા માટે કોઈ સીધુ રોકડ પુરસ્કાર નથી. જો કે, અન્ય રીતે વિજેતાઓ ઘણા નોંધપાત્ર લાભો ભોગવે છે. પ્રતિષ્ઠિત ઇનામ જીતવાના રોકડ લાભો જોવા માટે વિજેતાઓએ તેમની આગામી ફિલ્મ સાઇન કરવા સુધી રાહ જોવી પડશે.

જેને 'ઑસ્કર ઈફેક્ટ' કહેવામાં આવે છે તેમાં દિગ્દર્શકો અને ફિલ્મ નિર્માતાઓ દ્વારા વિજેતાઓની શોધ કરવામાં આવે છે અને અભિનેતાઓને તેમના પગારમાં અંદાજિત 20% વધારો મળે છે. પ્રેક્ષકો ઑસ્કર વિજેતા અભિનેતાને ફરીથી સ્ક્રીન પર જોવા માટે ઉત્સુક હોય છે અને તેની અસર બહુવિધ ફિલ્મો અને કેટલીકવાર આખી કારકિર્દીમાં રહે છે.

અહેવાલો મુજબ વિજેતાઓ અને નામાંકિતોને એક ગુડી બેગ પણ આપવામાં આવે છે જેમાં હજારો ડૉલરની ગુડીઝ હોય છે. જો કે, બેંક અકાઉન્ટ બેલેન્સ વધારવા માટે તેને વેચી શકાતુ નથી. એકેડેમીના નિયમો અનુસાર, "પુરસ્કાર પ્રાપ્તકર્તાઓ ઓસ્કાર પ્રતિમાનું વેચાણ અથવા અન્ય કોઈ રીતે નિકાલ કરી શકશે નહીં અથવા જ્યાં સુધી તેઓ પહેલા તેને 1.00 ડૉલરની રકમ માટે એકેડેમીને વેચવાનો પ્રસ્તાવ ના મૂકે ત્યાં સુધી કાયદાની કામગીરી દ્વારા તેને વેચવા અથવા નિકાલ કરવા માટે અધિકૃત કરી શકશે નહીં.''

English summary

Oscars 2023: The winners get this price and facilities at Academy Awards