FirstLook: પહેલા નોરતે રાણી 'પદ્માવતી'ની પહેલી ઝલક!
'પદ્માવતી' ફિલ્મનો દીપિકા પાદુકોણનો ફર્સ્ટ લૂક જાહેર થઇ ગયો છે. દીપિકાના 2 પોસ્ટર્સ સામે આવ્યા છે, જેમાં તે અત્યંત સુંદર લાગી રહી છે. સાથે જ ફિલ્મની રિલીઝ ડેટ પણ એનાઉન્સ થઇ ગઇ છે.
સંજય લીલા ભણસાલીની ફિલ્મ 'પદ્માવતી' મેકિંગ દરમિયાન સતત ચર્ચામાં રહી છે; સેટ પર થયેલ હુમલો, દીપિકા પાદુકોણ -રણવીરના બ્રેકઅપ-પેચઅપની ખબરો, શાહિદ કપૂર અને રણવીર સિંહની ફી વગેરે મુદ્દાઓ પર અવાર-નવાર ખબરો મળી છે. આ દરમિયાન ફિલ્મ પોસ્ટપોન થઇ હોવાની પણ ઘણી ખબરો આવી, પરંતુ ફિલ્મમેકર્સનું કહેવું હતું કે ફિલ્મ નિશ્ચિત સમયે જ રિલીઝ થશે અને તેમના વાયદા મુજબ ફિલ્મનું પહેલું પોસ્ટર અને દીપિકાનો પહેલો લૂક રિલીઝ થઇ ગયો છે.
પદ્માવતી
'પદ્માવતી'ના પહેલા પોસ્ટરમાં લાલ રંગના રોયલ આઉટફિટ અને હેવી જ્વેલરીમાં દીપિકા અત્યંત સુંદર લાગી રહી છે. રાણી પદ્માવતી તરીકેનો દીપિકાનો આ લૂક જોઇ ફેન્સ ચોક્કસ ક્રેઝી થઇ ગયા હશે.
બે પોસ્ટર થયા રિલીઝ
આ ફિલ્મના એકસાથે બે પોસ્ટર રિલીઝ થયા છે. બીજા પોસ્ટરમાં દીપિકા પાદુકોણનો ક્લોઝઅપ જોવા મળે છે, જેમાં ખાસ કરીને દીપિકાની યુનિબ્રો(આઇબ્રો) પર લોકોનું ધ્યાન જઇ રહ્યું છે. સુંદર અને ગરિમાપૂર્ણ રાણી પદ્માવતીના પાત્રમાં દીપિકા પાદુકોણ ખૂબ સરસ અને સહજ લાગે છે, એ વાતમાં શંકાને સ્થાન નથી.
વાયરલ તસવીર
આ બે પોસ્ટર સાથે જ તનિષ્ક દ્વારા દીપિકાનો બીજો એક લૂક પણ જાહેર કરવામાં આવ્યો છે. તનિષ્ક આ ફિલ્મ સાથે એક્સકક્લૂઝિવ જ્વેલરી પાર્ટનર તરીકે જોડાયું છે અને તેમના ઓફિશિયલ પેજ પર દીપિકાની આ તસવીર પોસ્ટ કરવામાં આવી છે. આ તસવીરમાં પણ દીપિકા મન મોહી લે એટલી સુંદર દેખાય છે.
રણવીર અને શાહિદ
દીપિકાના ફર્સ્ટ લૂક બાદ હવે ફેન્સ રણવીર સિંહ અને શાહિદ કપૂરના ફર્સ્ટ લૂક જોવા માટે આતુર છે. રણવીર સિંહ અને શાહિદ બંને આ ફિલ્મ માટે લૂકથી માંડીને વોર સિન્સ સુધી તમામ પાસાઓ પર ખૂબ મહેનત કરી રહ્યાં છે.
અદિતિ રાવ હૈદરી
ઘણા ઓછાને ખબર હશે કે, આ ફિલ્મમાં શાહિદ, રણવીર અને દીપિકા ઉપરાંત અદિતિ અને જિમ સાર્ભ પણ મહત્વપૂર્ણ રોલમાં જોવા મળનાર છે. 'પદ્માવતી' ફિલ્મ 1 ડિસેમ્બરના રોજ રિલીઝ થશે. આ ફિલ્મ બોલિવૂડની અત્યાર સુધીની સૌથી મોંઘી ફિલ્મ કહેવાઇ રહી છે. સૂત્રો અનુસાર આ ફિલ્મનું બજેટ છે, 190 કરોડ.