Pathaan : 400 કરોડથી માત્ર એક કદમ દુર પઠાણ, જાણો 10 દિવસની કમાણી
શાહરૂખ ખાનની ફિલ્મ પઠાણ બોક્સ ઓફિસ પર સફળતાના નવા રેકોર્ડ બનાવી રહી છે. બહુ જલ્દી પઠાણ 400 કરોડની કમાણી પુરી કરશે.
મુંબઈ : શાહરૂખ ખાન અને દીપિકા પાદુકોણની ફિલ્મ પઠાણ બોક્સ ઓફિસ પર ધમાલ મચાવી રહી છે. ફિલ્મ ભારત અને વિદેશમાં જોરદાર કમાણી કરી રહી છે ત્યારે હવે બહુ જલ્દી ભારતમાં 400 કરોડને પાર જશે. ફિલ્મ રોજ રોજ કમાણીના નવા રેકોર્ડ બનાવી રહી છે અને અત્યારસુધીં દુનિયાભરમાં 700 કરોડનો આંકડો પાર કરી દીધો છે.
ફિલ્મ રિલીઝ થઈ તેને 10 દિવસ થયા છે અને ફિલ્મ સતત સારી કમાણી કરી રહી છે. ફિલ્મે બીજા શુક્રવારે 13.50 કરોડ રૂપિયાનું કલેક્શન કર્યું છે. આ પહેલા ફિલ્મની કુલ કમાણી 364.50 કરોડ હતી. ફિલ્મે અત્યાર સુધીમાં ભારતમાં 378.15 કરોડ રૂપિયાની કમાણી કરી છે. આ વીકએન્ડમાં ફિલ્મની કમાણીના આંકડામાં મોટો વધારો થઈ શકે છે.
પઠાણે અત્યાર સુધી બોક્સ ઓફિસ પર 378.15 કરોડ રૂપિયાની કમાણી કરી છે. મીડિયા રિપોર્ટ્સ અનુસાર, આ અઠવાડિયે ફિલ્મ 400 કરોડનો આંકડો પાર કરશે. જો શાહરૂખ ખાનની આ ફિલ્મ આમ કરવામાં સફળ થશે તો તે એક નવો રેકોર્ડ બનશે. બોલિવૂડની કોઈપણ ફિલ્મે ભારતમાં બોક્સ ઓફિસ પર 400 કરોડ રૂપિયાનું કલેક્શન કર્યું નથી. શાહરૂખ ખાનની પઠાણ આમ કરનારી પહેલી ફિલ્મ બની જશે.
Click it and Unblock the Notifications
Sign in with Google
