Click it and Unblock the Notifications
Just In
-
-
-
-
Don't Miss
-
Facebookમાં જો ભૂલથી પોસ્ટ ડિલીટ થઈ જાય, તો આ સ્ટેપ્સથી કરો રિકવર -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
Pathaan : એડવાન્સ બુકિંગમાં રેકોર્ડ તોડી રહી છે શાહરૂખની પઠાણ, અધધ આટલી ટિકિટ વેચાઈ
શાહરૂખ ખાન અને દીપિકા પાદુકોણ સ્ટારર ફિલ્મ પઠાણ એડવાન્સ બુકિંગમાં નવો રેકોર્ડ સર્જી રહી છે. આ ફિલ્મે રિલીઝ પહેલા જ 4 લાખથી વધુ ટિકિટો વેચી છે.
મુંબઈ : શાહરૂખ ખાન અને દીપિકા પાદુકોણ સ્ટારર ફિલ્મ પઠાણ 25 જાન્યુઆરીએ સિનેમાઘરોમાં આવવા માટે તૈયાર છે. ફિલ્મ સિનેમાઘરોમાં આવે તે પહેલા જ એડવાન્સ બુકિંગમાં નવા રેકોર્ડ બનાવી રહી છે. એક તરફ વિવાદ અને રિલીઝ ન થવા દેવાની ધમકી મળી રહી છે ત્યારે આ ફિલ્મ એડવાન્સ બુકિંગમાં ધમાલ કરતી જોવા મળી રહી છે. અત્યારસુધીમાં પઠાણ ઈન્ડિયામાં સૌથી વધુ એડવાન્સ ટિકિટ વેચનારી ફિલ્મ બની ગઈ છે.
પઠાણનું ધમાકેદાર એડવાન્સ બુકિંગ
છેલ્લા એક અઠવાડિયાથી ફિલ્મનું એડવાન્સ ચાલી રહ્યું છે અને શરૂઆતથી જ જોરદાર રિસ્પોન્સ જોવા મળી રહ્યો છે. દીપિકાની બિકીનીને લઈને વિવાદે ચડેલી ફિલ્મ આવનારા સમયમાં બોક્સ ઓફિસ પર ધમાલ કરવા જઈ રહી છે. બુકિંગના આંકડા આ વાતને વધારે પાક્કી કરે છે.
વિવાદો વચ્ચે જોરદાર રિસ્પોન્સ
પઠાણ એડવાન્સ બુકિંગમાં એક પછી એક મોટી ફિલ્મોને પાછળ છોડી રહી છે ત્યારે એડવાન્સ બુકિંગમાં જ લગભલ 4.19 લાખ ટિકિટ વેચાઈ છે. આ ફિલ્મથી શાહરૂખ લાંબા સમય બાદ ફિલ્મી પડદે જોવા મળશે. ફિલ્મમાં તેની સાથે દીપિકા પાદુકોણ અને જ્હોન અબ્રાહમ પણ છે. હજુ આજે સાંજ સુધી એડવાન્સ બુકિંગ ચાલશે અને કાલે ફિલ્મ સિનેમાઘરોમાં આવશે.
પહેલા દિવસે જોરદાર કમાણી કરી શકે
એડવાન્સ બુકિંગ સાથે સાથે ફિલ્મની પહેલા દિવસની કણાણીને લઈને પણ નિષ્ણાતો પોતાના મત રાખી રહ્યા છે. નિષ્ણાતોનું માનીએ તો પઠાણ પહેલા દિવસે જ 40 કરોડથી વધુની કમાણી કરી શકે છે. આગળ ફિલ્મ કેવુ પ્રદર્શન કરે છે તે તો સિનેમાઘરોમાં આવ્યા બાદ જ ખબર પડશે.
