600 કરોડથી એક કદમ દુર છે પઠાણ, જાણો અત્યારસુધીનું કલેક્શન

શાહરૂખ ખાન અને દીપિકા સ્ટારર પઠાણ બોક્સ ઓફિસ પર ધમાલ મચાવી રહી છે. હવે ફિલ્મ બહુ જલ્દી 600 કરોડની કમાણીનો આંકડો પાર કરવા જઈ રહી છે.

મુંબઈ : શાહરૂખ ખાન અને દીપિકા પાદુકોણ સ્ટારર પઠાણ આ દિવસોમાં બોક્સ ઓફિસ પર ધણાલ મચાવી રહી છે. પઠાણ એક પછી એક મોટા રેકોર્ડ તોડી રહી છે અને ધમાકેદાર કમાણી કરી રહી છે. ભારતમાં ફિલ્મ 300 કરોડનો આંકડો પાર કરી ગઈ છે ત્યારે હવે દુનિયામાંથી ફિલ્મને લઈને ચૌકાવનારા આંકડા સામે આવ્યા છે.

પહેલા 6 દિવસમાં જ ફિલ્મએ બોક્સ ઓફિસ પર રૂપિયાનો વરસાદ કર્યો છે અને 300 કરોડનો આંકડો પાર કરી ગઈ છે ત્યારે હવે દુનિયામાં પણ ફિલ્મને જોરદાર પ્રતિસાદ મળી રહ્યો છે. સૌથી જલ્દી 200 કરોડ પાર કરનારી ફિલ્મ બન્યા બાદ હવે ફિલ્મ વર્લ્ડ વાઈલ્ડ 60 કરોડનો આંકડો પર કરવા જઈ રહી છે.

ટ્રેડ એનાલિસ્ટનોનું અનુસાર,શાહરૂખ ખાન, દીપિકા પાદુકોણ અને જ્હોન અબ્રાહમ સ્ટારર ફિલ્મ પઠાણે ભારતને બાદ કરતા વર્લ્ડ વાઈલ્ડ 224.6 કરોડની કમાણી કરી લીધી છે. આ સિવાય પઠાણે ભારતમાં 366.4 કરોડ રૂપિયાનું ગ્રોસ કલેક્શન કર્યું છે. આમ બન્ને આંકડા મળીને ફિલ્મએ વર્લ્ડ વાઈલ્ડ 591 કરોડ રૂપિયાનું ગ્રોસ કલેક્શન કર્યું છે.

અહીં તમને એ પણ જણાવી દઈએ કે, પઠાણ ફિલ્મને યશરાજ ફિલ્મ્સે 150 કરોડ રૂપિયાના બજેટમાં બનાવી છે. હવે જે આંકડા સામે આવી રહ્યા છે તેને જોતા બહુ થોડા સમયમાં હજાર કરોડનો આંકડો પાર કરી લેશે તેમાં કોઈ નવાઈ નથી. પઠાણ પહેલી હિન્દી ફિલ્મ છે, જે વિશ્વભરમાં 100થી વધુ દેશોમાં 8000 સ્ક્રીન પર એક સાથે રિલીઝ થઈ છે.

English summary

Pathan is one step away from 600 crore, know the collection so far