Pics : 12 વરસની ઉંમરે દિલીપના પ્રેમમાં પડ્યાં સાયરા

Updated: Tuesday, December 11, 2012, 13:33 [IST]

મુંબઈ, 11 ડિસેમ્બર : આજે ભારતીય સિનેમાના ટ્રેજેડી કિંગ દિલીપ કુમારનો જન્મ દિવસ છે. ફિલ્મી સિતારાઓના આઇકૉન દિલીપ કુમાર આજે 90 વર્ષના થઈ ગયાં છે અને તેમની સાથે છેલ્લા 46 વર્ષોથી અર્ધાંગિનીનું સફળ જીવન વિતાવનાર સાયરાબાનુએ તાજેતરમાં જ પોતાના જીવન સાથે જોડાયેલ કેટલાંક રહસ્યોનો ખુલાસો કર્યો.

સાયરાએ જણાવ્યું કે તેઓ જ્યારે માત્ર 12 વરસના હતાં, ત્યારે જ તેમને દિલીપ કુમાર સાથે પ્રેમ થઈ ગયો હતો. બેહિસાબ પ્રેમના દૃષ્ટાંત સાયરા-દિલીપને સામાન્ય રીતે દરેક ઇવેન્ટમાં સાથે-સાથે જોવામાં આવે છે. આ વખતે દિલીપ સાહેબ પોતાનો જન્મ દિવસ ધામધૂમપૂર્વક નથી ઉજવી રહ્યાં, કારણ કે આ વખતે તેમણે પોતાના અનેક સાથીઓ જેમ કે દારા સિંહ, રાજેશ ખન્ના, યશ ચોપરા અને બાલ ઠાકરેને ગુમાવી દીધાં છે. તેથી તેઓ આ વખતે તેઓ પોતાનો જન્મ દિવસ ધામધૂમથી નથી ઉજવી રહ્યાં, પરંતુ સાયરાબાનુએ તેમના માટે પોતાના ઘરે એક નાનકડી પાર્ટી રાખી છે કે જેમાં તેમના નજીકના મિત્રો હાજર રહેશે.

વીતેલા જમાનાના સુંદર તેમજ કામણગારી અભિનેત્રીઓમાંના એક સાયરાબાનુ કે જેઓ હાલ 68 વરસના છે તેમણે જ્યારે દિલીપ સાથે લગ્ન કર્યા હતાં, તો લોકોએ એલાન કર્યુ હતું કે ઉંમરના આ ભારે તફાવત ધરાવતાં લગ્ન લાંબા ટકી નહીં શકે, પરંતુ સાયરાએ તમામ ભવિષ્યવાણીઓ ખોટી પાડી દીધી. સાયરાની નજરે દિલીપ રીયલ હીરો છે કે જેઓ ખૂબ લવિંગ અને કૅરિંગ છે.

આવો આપને તસવીરોમાં બતાવીએ સાયરા-દિલીપની કેટલીક યાદગાર ફિલ્મો અને પળો.