Pics : નશામાં નશો નહીં, પણ ગંદકી અને કંટાળો છે!
મુંબઈ, 27 જુલાઈ : બિકિની ગર્લ પૂનમ પાન્ડેની ફિલ્મ નશાએ શુક્રવારે પડદા ઉપર દસ્તક આપી દીધી છે, પણ આશાની વિરુદ્ધ ફિલ્મ નશાએ ખૂબ જ ખરાબ શરુઆત કરી છે. સૌને ખાસ આશા પૂનમ પાસે હતી કે ફિલ્મ તેમના માટે સફળતાના રસ્તા ખોલી નાંખશે, પણ અફસોસ કે ફિલ્મે પ્રથમ દિવસે લોકોને આકર્ષ્યા જ નહીં.
નશા સાથે કોઈ મોટી ફિલ્મ રિલીઝ ન થઈ, આમ છતાં નશાની લો ઓપનિંગ રહી છે. ફિલ્મ જોઈને નિકળેલા દર્શકોને પૂછવામાં આવતાં, તેમના જવાબો આશ્ચર્યજનક હતાં. એક દર્શકે જણાવ્યું - બકવાસ ફિલ્મ છે નશા અને પૂનમ બેકાર અને બકવાસ. હું થિયેટરમાં એમ વિચારતો હતો કે મેં ટિકિટ ખરીદી કોઈ મોટી ભૂલ કરી નાંખી છે. ફિલ્મમાં નથી વાર્તા કે નથી અભિનય આખી ફિલ્મ ગંદગીથી ભરેલી અને કંટાળાજનક છે.
બીજી બાજુ જિસ્મનું સફળ દિગ્દર્શન કરનાર અમિત સક્સેનાની આ ફિલ્મને ટીકાકારોએ પણ બેકાર અને નબળી ગણાવી છે કે જેથી પૂનમ પાન્ડે માટે બૉલીવુડ કૅરિયરની શરુઆત હિટ ફિલ્મ સાથે કરવાની તક ઝુંટવાઈ ગઈ છે.
આવો તસવીરો સાથે જાણીએ પૂનમ પાન્ડે તથા નશા અંગે ટીકાકારોના પ્રત્યાઘાતો :
વનઇન્ડિયા
વનઇન્ડિયાએ પૂનમની પ્રથમ ફિલ્મ નશાને 2 સ્ટાર્સ આપ્યાં છે. વનઇન્ડિયાએ ફિલ્મને સેક્સનો ઓવરડોઝ ગણાવી છે.
દૈનિક જાગરણ
દૈનિક જાગરણે પણ ફિલ્મ નશાને 1 સ્ટાર આપ્યું છે અને બકવાસ તથા બેકાર ફિલ્મ ગણાવી છે.
ગ્લૅમશૅમ.કૉમ
ગ્લૅમશૅમ.કૉમે ફિલ્મને 3 સ્ટાર્સ આપ્યાં છે અને વીકેન્ડે મઝેદાર ડોઝ તરીકે ગણાવી છે.
અપુન કા ચૉઇસ
અપુન કા ચૉઇસે નશાને 2 સ્ટાર્સ આપ્યાં છે અને જણાવ્યું કે ટીનેજના ગાંડપણને દર્શાવે છે આ ફિલ્મ.
ઇન્ડિયાટીવી.કૉમ
ઇન્ડિયાટીવી.કૉમે નશાને બેકાર ગણાવી છે અને 1 સ્ટારથી નવાજી છે.
Click it and Unblock the Notifications
Sign in with Google
