બોક્સ ઓફિસ: રાજકુમાર અને શ્રદ્ધાની 'સ્ત્રી' નો તહેલકો, શાનદાર કમાણી

રાજકુમાર રાવ અને શ્રદ્ધા કપૂરની ફિલ્મ સ્ત્રી બોક્સઓફિસ પર તહેલકો મચાવી રહી છે. ફક્ત 4 દિવસમાં આ ફિલ્મ બોક્સઓફિસ પર સુપરહિટ થઇ ચુકી છે.

By Prajapati Anuj

Updated: Tuesday, September 4, 2018, 16:28 [IST]

રાજકુમાર રાવ અને શ્રદ્ધા કપૂરની ફિલ્મ સ્ત્રી બોક્સઓફિસ પર તહેલકો મચાવી રહી છે. ફક્ત 4 દિવસમાં આ ફિલ્મ બોક્સઓફિસ પર સુપરહિટ થઇ ચુકી છે. આપને જણાવી દઈએ કે જ્યાં આ ફિલ્મે વિકએન્ડ પર 32 કરોડની કમાણી કરી હતી, ત્યાં જ ફિલ્મે સોમવારે પણ 8 કરોડ રૂપિયાની શાનદાર કમાણી કરી છે.

ખાસ બાબત છે કે આ ફિલ્મ 20 કરોડ રૂપિયાના બજેટ પર બની છે. એટલે કે ફક્ત 4 દિવસમાં ફિલ્મે તેના બજેટ કરતા પણ ડબલ કમાણી કરી લીધી છે. આ ફિલ્મ 2018 ની સૌથી વધારે પ્રોફિટ કમાવનાર ફિલ્મોની લિસ્ટમાં શામિલ થઇ ચુકી છે. આપને જણાવી દઈએ કે આ ફિલ્મ રાજકુમાર રાવની સૌથી મોટી સોલો હિટ ફિલ્મ છે. શ્રદ્ધા કપૂરે પણ લાંબા સમય પછી હિટ ફિલ્મનો સ્વાદ ચાખ્યો છે.

સ્ત્રી એક હોરર-કોમેડી ફિલ્મ છે. આ ફિલ્મની કહાની સાથે સાથે સ્ટારકાસ્ટે પણ દર્શકોનું દિલ જીતી લીધું. રાજકુમાર અને શ્રદ્ધા સહીત બધા જ કલાકારો તેમના રોલમાં બિલકુલ પરફેક્ટ હતા. ટ્રેડ પંડિતો અનુસાર આ ફિલ્મ સરળતાથી 80-90 કરોડ રૂપિયાનું કલેક્શન કરી લેશે. હાલમાં ફિલ્મે 100 ટકા કરતા પણ વધારે નફો કમાઈ લીધો છે.

અહીં જાણો 2018 માં સૌથી વધુ કમાણી કરનાર ફિલ્મો-

સંજૂ

રણબીર કપૂર સ્ટારર ફિલ્મ સંજૂ આ વર્ષે સૌથી વધુ કમાણી કરનાર ફિલ્મ છે. સંજુએ હવે 335 કરોડનું કલેક્શન કરી લીધું છે.

પદ્માવત

સંજય લીલા ભણસાલીની ફિલ્મ પદ્માવતએ 300 કરોડનું કલેક્શન કર્યું છે. આ ફિલ્મ 2018 ની બીજી સૌથી મોટી ફિલ્મ સાબિત થઇ છે. પરંતુ મોટા બજેટને લીધે ફિલ્મ સૌથી વધુ નફાકારક સાબિત થઈ શકી નથી.