રણબીર મારો રેકૉર્ડ તોડે તો ગર્વ અનુભવીશ : કરીના
મુંબઈ, 19 ડિસેમ્બર : ફિલ્મ રિફ્યુજી દ્વારા હિન્દી સિનેમામાં પગલા મૂકનાર કરીના કપૂરે અત્યાર સુધી 6 ફિલ્મફૅર ઍવૉર્ડ પોતાના નામે કર્યા છે. પોતાની આ સફળતા પર ગર્વ અનુભવતાં કપૂર ખાનદાનના ચોથી પેઢી કરીના કપૂર ખાને જણાવ્યું કે તેમને સારૂં લાગે છે કે જ્યારે તેમને ફિલ્મફૅર ઍવૉર્ડ મળે છે.
તેમણે જણાવ્યું - મારા 12 વર્ષના કૅરિયરમાં મને અડધો ડઝનથી વધુ ઍવૉર્ડ મળી ચુક્યાં છે અને આશા સેવુ છું કે આગળ પણ મળતાં રહેશે. આ ઍવૉર્ડ મારા મૃત્યુ સુધી મારી સાથેરહેશે. માણસને તે વખતે સૌથી વધુ ખુશી પ્રાપ્ત થાય છે કે જ્યારે લોકો તેના વખાણ કરે છે.
કરીનાએ સાથે એમ પણ જણાવ્યું કે તેમના આ રેકૉર્ડને તેમનો પિતરા ભાઈ રણબીર કપૂર તોડી શકે છે, કારણ કે મેં 12 વર્ષમાં 6 ઍવૉર્ડ મેળવ્યાં છે, તો તે માત્ર 5 જ વર્ષમાં 4 ઍવૉર્ડ મેળવી ચુક્યો છે. એવામાં મારા માટે ગૌરવનો સમય હશે કે જ્યારે રણબીર મારો રેકૉર્ડ તોડશે.
આપને જણાવી દઇએ કે હિન્દી સિનેમામાં અત્યાર સુધી સૌથી વધુ ફિલ્મફૅર ઍવૉર્ડ જીતવાનો રેકૉર્ડ ગ્રેટ શો મૅન રાજ કપૂરના નામે રહ્યો છે કે જેમણે 11 ફિલ્મફૅર ઍવૉર્ડ મેળવ્યા હતાં. કરીનાના દાદા બાદ કરીના જ કપૂર ખાનદાનના સૌથી વધુ ઍવૉર્ડ પામનાર હસ્તી છે. આજકાલ કરીનાની ગણતરી ટૉપ 3 અભિનેત્રીઓમાં થાય છે, તો રણબીરે પોતાની ચુનંદા ફિલ્મો વડે જ લોકોના દિલોમાં સ્થાન મેળવી લીધું છે.
Click it and Unblock the Notifications
Sign in with Google
