‘ગુન્ડે’ રણવીર જોશમાં હોશ ગુમાવી થયાં ઘાયલ

Updated: Saturday, December 29, 2012, 17:43 [IST]

મુંબઈ, 29 ડિસેમ્બર : બૉલીવુડ સેલિબ્રિટીઝનું શુટિંગ દરમિયાન ઈજાગ્રસ્ત થવું કોઈ નવી વાત નથી. કંઇક એવું જ થયું તાજેતરમાં રણવીર સિંહ સાથે. ફિલ્મ બૅન્ બાજા બારાત દ્વારા બૉલીવુડમાં એન્ટ્રી કરનાર રણવીર સિંહ તાજેતરમાં જ ગન્ડે ફિલ્મના શુટિંગ દરમિયાન ઈજાગ્રસ્ત થઈ ગયાં અને તમની હાલત એટલી ખરાબ થઈ ગઈ કે તેમને હૉસ્પિટલે દાખલ કરવા પડ્યાં. રણવીર સાથે કામ કરતાં એક ડાંસરને પણ હૉસ્પિટલે લઈ જવામાં આવ્યો. કહે છે કે હવે રણવીર સારા છે અને ટુંકમાં જ તેઓ શુટિંગે પણ પરત ફરશે.

થયું એમ કે રણવીર સિંહ કે જેઓ દરેક કામ ખૂબ જ જોશ સાથે કરે છે. તેઓ તાજેતરમાં ફિલ્મ ગુન્ડેના એક ગીત જશ્ને ઇશ્ક... નું શુટિંગ કરી રહ્યા હતાં. આ ગીતનું શુટિંગ અંધેરી વેસ્ટ ખાતે આવેલ ચાંદીવલી સ્ટુડિયો ખાતે થઈ રહ્યુ હતું. શુટિંગ દરમિયાન રણવીર ખૂબ જ જોશ સાથે ડાંસ કરી રહ્યાં હતાં. દિગ્દર્શકે તેમને સાવચેત પણ કર્યાં કે તેઓ આ ડાંસ જરાક આરામથી કરે, ક્યાંક ઈજા ન થઈ જાય કે પછી સ્ટુડિયોમાં કોઈ ભાંગફોડ ન થઈ જાય, પરંતુ રણવીર તો ક્યાં કોઈનું સાંભળે. તેમણે જોશ સાથે જ ડાંસ ચાલુ રાખ્યો. રણવીર સાથે ફિલ્મના બીજા એક્ટર અર્જુન કપૂર પણ હાજર હતાં.

અચાનક રણવીરના ગાલે તેમની સાથે ડાંસ કરતાં ડાંસરનો હાથ ખૂબ જોરથી અફડાયો. રણવીરનું ગાલ કપાઈ ગયું અને તેમના ગાલેથી લોહી વહેવા લાગ્યું. બીજી બાજુ તે ડાંસરના માથામાંથી પણ લોહી વહેવા લાગ્યું. હાલત ગંભીરત જોતાં સૌએ રણવીર અને તે ડાંસરને હૉસ્પિટલે ભેગા કરવા પડ્યાં. હાલ તો બંનેની હાલત ઠીક છે અને કહેવાય છે કે વહેલામાં વહેલી તકે રણવીર શુટિંગે પરત ફરશે.