રિયા ચક્રવર્તીને CBIએ મોકલ્યા સમન, DRDO ગેસ્ટ હાઉસમાં પહોંચી અભિનેત્રી
સુશાંત સિંહ રાજપૂત કેસમાં આજે સીબીઆઈએ સુશાંતની ગર્લફ્રેન્ડ રિયા ચક્રવર્તીને સમન કર્યા છે.
નવી દિલ્લીઃ સુશાંત સિંહ રાજપૂત કેસમાં આજે સીબીઆઈએ સુશાંતની ગર્લફ્રેન્ડ રિયા ચક્રવર્તીને સમન કર્યા છે. સીબીઆઈના સમન બાદ રિયા ચક્રવર્તી મુંબઈ સ્થિત ડીઆરડીઓના ગેસ્ટ હાઉતમાં પહોંચી જ્યાં સીબીઆઈની ટીમ રોકાઈ છે. રિયાને સીબીઆઈએ આજે સવારે 10 વાગે પૂછપરછ માટે સમન કર્યા હતા. આ પહેલા સીબીઆઈએ રિયાના ભાઈ શોવિકની ગુરુવારે લગભગ 14 કલાક સુધી પૂછપરછ કરી હતી. માનવામાં આવી રહ્યુ છે કે આજે સીબીઆઈ રિયાને ઘણા સવાલોના જવાબ પૂછી શકે છે.
સીબીઆઈએ રિયાના ભાઈ શોવિકની ગુરુવારે લગભગ 14 કલાક સુધી પૂછપરછ કરી હતી. શોવિક સાથે સીબીઆઈની પૂછપરછ 28 ઓગસ્ટ રાતે 1 વાગે ખતમ થઈ હતી. તમને જણાવી દઈએ કે રિયા ચક્રવર્તી સુશાંત સાથે લિવ ઈન રિલેશનમાં રહેતી હતી પરંતુ 8 જૂને પરસ્પર મતભેદના કારણે રિયાએ સુશાંતનુ ઘર છોડી દીધુ હતુ. જેના થોડા દિવસ બાદ જ સુશાંતે આત્મહત્યા કરી લીધી હતી. સુશાંત પોતાના ફ્લેટમાં 14 જૂને મૃત મળી આવ્યા હતા. આ સમગ્ર કેસની તપાસ સીબીઆઈ કરી રહ્યુ છે. સીબીઆઈ સતત આ કેસમાં લોકોની પૂછપરછ કરી રહ્યુ છે.
તમને જણાવી દઈએ કે રિયા ચક્રવર્તીએ ગુરુવારે તમામ મીડિયા સંસ્થાઓ સામે આ કેસમાં પોતાનો પક્ષ રજૂ કર્યો હતો અને ખુદ પર લગાવવામાં આવેલ આરોપોને ધરમૂળથી ફગાવી દીધા હતા. તેણે કહ્યુ હતુ કે સુશાંત અને તેની વચ્ચે સારા સંબંધો હતા, તેણે સુશાંત સાથે સંબંધ તેના પૈસા માટે નહોતો રાખ્યો. મીડિયામાં રિયાએ કહ્યુ કે હું સુશાંતના પૈસા પર નહોતી જીવતી, અમે બંને કપલની જેમ રહેતા હતા. સુશાંતના બેંક ખાતામાંથી 15 કરોડ રૂપિયાની હેરાફેરીના આરોપો પર રિયાએ કહ્યુ કે મારી અને સુશાંતની વચ્ચે ક્યારેય પૈસાની કોઈ લેવડદેવડ નથી થઈ.
Click it and Unblock the Notifications
Sign in with Google
