Birthday Special : એકસઠે અડગ ચિંટૂના ડિફરંટ રોલ્સ!

Updated: Wednesday, September 4, 2013, 14:32 [IST]

મુંબઈ, 4 સપ્ટેમ્બર : 80ના દાયકાના ચૉકલેટી હીરો ઋષિ કપૂર આજે 61 વર્ષના થઈ ગયાં છે, પરંતુ આજેય તેઓ અભિનય ક્ષેત્રે અડગ છે અને એક ચાર્મિંગ હીરોથી લઈ આજે તેઓ ડિફરંટ પ્રકારના નકારાત્મક કે હકારાત્મક તમામ પ્રકારના રોલ કરી રહ્યાં છે. તેઓ કહે છે કે તેઓ એક કાબેલ અભિનેતા છે તથા ચરિત્ર ભૂમિકાઓ કરવી પસંદ કરશે, પરંતુ તેઓ માત્ર એક પિતા તરીકેની ભૂમિકા જ નથી કરવા માંગતાં.

અગ્નિપથની રીમેકમાં રઉફ લાલાના પાત્રમાં સૌને આશ્ચર્યમાં મૂકી દેનાર ઋષિ કપૂર ગ્રેટ શો મૅન રાજ કપૂરના પુત્ર છે અને તેમણે બૉબી ફિલ્મથી પોતાની કૅરિયર શરૂ કરી હતી. તેઓ કહે છે - હું વિનમ્ર બનવાની કોશિશ નથી કરતો, પણ મેંવિવિધ પ્રકારના પાત્રો સાથે પ્રયોગો કર્યાં છે. હું પિતાની ભૂમિકામાં બંધાવવા નથી માંગતો. હું ચરિત્ર ભૂમિકાઓ ભજવવા માંગુ છું.

પોતાના દોરમાં બૉબી, પ્રેમ રોગ, ખેલ ખેલ મેં અને રફૂચક્કર જેવી ફિલ્મો આપનાર ઋષિ કપૂરે બૉલીવુડમાં નવી ઇનિંગ દરમિયાન ફના તથા નમસ્તે લંડન જેવી ફિલ્મોમાં પિતાની ભૂમિકા ભજવી છે. રાષ્ટ્રીય પુરસ્કારથી સન્માનિત દો દૂની ચાર ફિલ્મમાં સ્કૂલ શિક્ષક સંતોષ દુગ્ગલની ભૂમિકા ભજવનાર ઋષિ કપૂરે જણાવ્યું - જો હું કોઈ ફિલ્મમાં છું, તો તેના નિર્માતાએ આ વાતનો વધુમાં વધુ ફાયદો ઉઠાવવો જોઇએ કે જેથી હું અભિનય કરી શકું અને પોતાને કાબેલ અભિનેતા અનુભવી શકું. હું અભિનય પણ સારું કરવા માંગીશ. હું તે રીતે કલ્પનાઓ પણ કરી શકીશ.

ઋષિ કપૂરે તાજેતરમાં રિલીઝ થયેલી ઔરંગઝેબ ફિલ્મમાં હરિયાણાના પોલીસ અધિકારીનો રોલ કર્યો છે, તો ડી ડે ફિલ્મમાં ઋષિ કપૂર કથિત રીતે દાઉદ ઇબ્રાહીમનો રોલ કરતાં નજરે પડ્યાં છે.

આવો તસવીરોમાં જોઇએ ઋષિ કપૂરે બૉલીવુડમાં પોતાની બીજી ઇનિંગમાં ભજવેલી કેટલીક મહત્વની ભૂમિકાઓ.