Saif Ali Khan Attack : સૈફ અલી ખાન પર હુમલો કરનારાની ઓળખ થઈ? જાણો શું કહ્યું મુંબઈ પોલીસે?
Saif Ali Khan Attack : એક્ટર સૈફ અલી ખાન પર હુમલાને લઈને બોલિવૂડમાં ખૌફનો માહોલ છે. મુંબઈ પોલીસ આ મામલે સતત નવા નવા ખુલાસા કરી રહી છે.
અહેવાલો અનુસાર, આ કેસમાં મુંબઈ પોલીસ 50 આસપાસ લોકોની પુછપરછ કરી રહી છે અને આરોપી સુધી પહોંચવાની નજીક છે. પોલીસે આરોપીની ઓળખ કરી લીધી હોવાના પણ અહેવાલ છે.
એબીપી ન્યુઝના એક અહેવાલ અનુસાર, મુંબઈ પોલીસે આરોપીની ઓળખ કરી લીધી છે. આરોપીનો એક નવો ફોટો સામે આવ્યો છે જે આરોપીના ચહેરા સાથે ખૂબ જ મળતો આવે છે. જો કે, પોલીસે તેને આરોપી તરીકે ઔપચારિક રીતે જાહેર કર્યો નથી. આ ફોટાના આધારે દાવો કરવામાં આવી રહ્યો છે કે તેેણે સૈફ અલી ખાન કર હુમલો કર્યો હતો.
જણાવી દઈએ કે, આરોપીએ 11 ડિસેમ્બરે પણ આવી જ ઘટનાને અંજામ આપવાનો પ્રયાસ કર્યો હતો. તે સમયે તે પકડાઈ ગયો હતો અને લોકોએ માનસિક બીમાર સમજીને છોડી દીધો અને પોલીસને સોંપ્યો નહોતો.
અહેવાલો અનુસાર, આ આરોપી પકડાય છે ત્યારે તે પોતાને ડિલિવરી બોય કહે છે. નવી તસવીર સામે આવ્યા બાદ પોલીસ હવે તેની ધરપકડ કરવાનો પ્રયાસ કરી રહી છે. આરોપીના જૂના ગુનાહિત રેકોર્ડની પણ તપાસ કરવામાં આવી રહી છે. પોલીસ જલ્દી આ કેસમાં મોટા ખુલાસા કરી શકે છે.
Click it and Unblock the Notifications
Sign in with Google
