રાની મુખર્જી સાથે કિસિંગ સીન પર સૈફ, આટલો ખરાબ અનુભવ ક્યારેય થયો નથી!

સૈફ અલી ખાન અને રાની મુખર્જી ફિલ્મ બંટી ઔર બબલી 2 માં જોવા મળવાના છે. આ ફિલ્મમાં સિદ્ધાંત ચતુર્વેદી અને શર્વરી વાગ પણ છે. યશ રાજ બેનરે સૈફ અને રાની વચ્ચેની વાતચીતનો વીડિયો શેર કર્યો છે.

મુંબઈ, 18 નવેમ્બર : સૈફ અલી ખાન અને રાની મુખર્જી ફિલ્મ બંટી ઔર બબલી 2 માં જોવા મળવાના છે. આ ફિલ્મમાં સિદ્ધાંત ચતુર્વેદી અને શર્વરી વાગ પણ છે. યશ રાજ બેનરે સૈફ અને રાની વચ્ચેની વાતચીતનો વીડિયો શેર કર્યો છે. જેમાં બંને ફિલ્મ, કરિયર અને પોતાના વિશે વાત કરી રહ્યાં છે. સૈફ અને રાનીએ હમ તુમ ફિલ્મમાં તેમના સીન વિશે પણ વાત કરી છે. સૈફ કહે છે કે આ સીન ખૂબ જ ખરાબ અનુભવ હતો, તો રાનીએ પણ તેને અસહજ ગણાવ્યો હતો.

ક્યાં સીનની વાત કરી રહ્યાં છે સૈફ અને રાની?

યશરાજ ફિલ્મ્સ દ્વારા બંટી ઔર બબલી 2 નાં પ્રમોશન માટે રિલીઝ કરવામાં આવેલ સૈફ અને રાનીનો આ વીડિયો ખૂબ જ ચર્ચામાં છે. સૈફ અલી ખાન અને રાની મુખર્જી હમ તુમના તેમના કિસિંગ સીન વિશે વાત કરી રહ્યા છે. સૈફ અલી ખાને આ સીન વિશે કહ્યું કે, તે દિવસે રાની મારી સાથે ખૂબ જ સન્માનપૂર્વક વર્તી રહી હતી. રાની મારી પાસે આવી અને કહ્યું કે તમે ડિરેક્ટરને કહો કે કિસિંગ સીન ન કરે. મેં જવાબ આપ્યો કે હું આ ન કરી શકુ. મારા બોસે મને આ કરવાનું કહ્યું છે, મારે કરવું પડશે.

આ સીન નહતો કરવો જોઈતો

સૈફે કહ્યું કે ત્યારે પણ અમને લાગ્યું કે આ સીન ન કરવો જોઈએ. સૈફ પછી રાની મુખર્જી આખરે થોડી આનાકાની પછી રાજી થઈ ગઈ. સૈફે કહ્યું કે હવે આ સીન સિનેમાના ઈતિહાસમાં સૌથી ગંદો કિસિંગ સીન માનવામાં આવશે. અમે બંને સ્ક્રીન પર ખૂબ જ અસ્વસ્થ દેખાતા હતા. તે ખૂબ જ ખરાબ અનુભવ હતો.

દર્શકોને હમ તુમ ખૂબ પસંદ આવી હતી

સૈફ અને રાની ભલે ફિલ્મ હમ તુમમાં રોમાન્સ કરવા માટે સહજ ન હોય પરંતુ દર્શકોને તેમની જોડી પસંદ આવી હતી. વર્ષ 2004માં રિલીઝ થયેલી આ ફિલ્મમાં સૈફ અલી ખાન અને રાની મુખર્જી મુખ્ય ભૂમિકામાં હતા અને આ ફિલ્મ હિટ રહી હતી. આ ફિલ્મ માટે સૈફ અલી ખાનને એવોર્ડ પણ મળ્યો હતો.

સૈફ અને રાની લાંબા સમય પછી સાથે જોવા મળશે

સૈફ અને રાની લાંબા સમય બાદ ફરી એકસાથે સ્ક્રીન પર જોવા મળશે. સૈફ અને રાનીની ફિલ્મ બંટી ઔર બબલી-2 19 નવેમ્બરે સિનેમાઘરોમાં રિલીઝ થઈ રહી છે. ફિલ્મમાં પંકજ ત્રિપાઠી, પ્રેમ ચોપરા, અસરાની, યશપાલ શર્મા સિદ્ધાંત ચતુર્વેદી, શર્વરી વાગ પણ જોવા મળશે. આ ફિલ્મનું નિર્દેશન વરુણ વી શર્માએ કર્યું છે. બંટી ઔર બબલી 2 ઉપરાંત સૈફ અલી ખાને તાજેતરમાં ઓમ રાઉતની આદિપુરુષનું શૂટિંગ પણ પૂરું કર્યું છે. જેમાં તે પ્રભાસ અને કૃતિ સેનન સાથે જોવા મળશે.

English summary

Saif on kissing scene with Rani Mukherjee, never had such a bad experience!