કરીનાએ સૈફને કહ્યું - એશા સાથે રોમાંસ કરી શકો છો
મુંબઈ, 17 જૂન : બૉલીવુડમાં સામાન્ય રીતે જોવામાં આવે છે કે સ્ટાર પત્નીઓ પતિ અંગે ખૂબ જ પઝેસિવ હોય છે. તેઓ નથી ઇચ્છતી કે કોઇક બીજી અભિનેત્રી સાથે તેમના પતિ રોમાંસ કરે,પરંતુ જ્યારે કામ જ એવું હોય, તો કોઈ કરી પણ શું શકે? પરંતુ આ કેસ થોડોક જુદો છે.
કહે છે કે સાજિદ ખાનની આવનાર ફિલ્મ હમશકલમાં સૈફ અલી ખાનની અપૉઝિટ એશા ગુપ્તાને સાઇન કરવાની સલાહ કરીનાએ આપી હતી. એ કરીના કપૂર જ હતાં કે જેમણે સૈફ અલી ખાન સાથે એશા ગુપ્તાનું નામ સુચવ્યુ હતું. અગાઉ એમ કહેવાતુ હતું કે આ ફિલ્મના હીરોઇન જૅકલીન ફર્નાન્ડીઝ હશે, પરંતુ સાજિદ ખાન તથા જૅકલીન વચ્ચે મતભેદ બાદ આ ફિલ્મમાં એશા ગુપ્તાને લેવામાં આવ્યાં છે.
કરીના કપૂર તથા સૈફ અલી ખાન અંગે કહેવાય છે કે આ બૉલીવુડ કપલ એક-બીજાના કામમાં દખલ નથી આપતાં. તેઓ નિર્ણયો પણ સ્વતંત્ર રીતે કરે છે. બંને જરૂરિયાત ઊભી થતા એક-બીજાની મદદ તો કરે જ છે.
Click it and Unblock the Notifications
Sign in with Google
