સલમાનના ઘરની બહાર માતા-પુત્રીએ મચાવ્યો હોબાળો!

મુંબઈ, 30 ઑગસ્ટ : સલમાન ખાન જો કંઈ ન પણ કરે, તો તોય તેમના નામે મીડિયામાં ચર્ચાઓ થતી જ રહે છે. ગઈકાલે રાત્રે 1 વાગ્યે સલમાન ખાન અને તેમના બૉડીગાર્ડ દ્વારા બે મહિલાઓ સાથે મારઝૂડ કરવાના સમાચારો હતાં. જ્યારે આ અંગે તપાસ કરવામાં આવી, તો ખુલાસો થયો કે એક મહિલા અને તેની પુત્રી બાંદ્રા પોલીસ સ્ટેશને બેસી સલમાન ખાન સામે કોઈ ફરિયાદ નોંધાવી રહી હતી. કેટલાંક મીડિયાવાળાઓનું કહેવું છે કે આ બંને મહિલાઓએ સલમાન ખાનને આતંકવાદી કહ્યો અને એમ પણ કહ્યું કે સલમાનના બૉડીગાર્ડે તે લોકોને માર્યાં છે.

સલમાન ખાનના બૉડીગાર્ડ પણ પોલીસ સ્ટેશન પહોંચ્યાં, પરંતુ આ બાબતે ચિત્ર સ્પષ્ટ થયું નથી. થોડાક સમય બાદ એમ જાણવા મળ્યું કે આ માતા-પુત્રીએ પોલીસ સ્ટેશને હાજર એક સિદ્દીકી નામની વ્યક્તિને પણ માર્યું અને તેથી તેણે હૉસ્પિટલે જવું પડ્યું. આ બનાવ વખતેપોલીસ સ્ટેશને કોઈ મહિલા કૉન્સ્ટેબલ હાજર નહોતી. તેથી પુરુષ પોલીસવાળાઓએ આ બંને માતા-પુત્રીને બહાર ન કાઢી શક્યાં. આ બંનેએ પોલીસ સ્ટેશનમાં ખૂબ હોબાળો મચાવ્યો અને સલમાન વિશે ઉંધુ-સીધું બોલ્યાં.

મીડિયાને પોલીસ સ્ટેશને જોઈ માતા-પુત્રી વધુ હોબાળો કરવા લાગી. તેથી પોલીસે મીડિયાવાળાઓને આ બંને મહિલાઓ સાથે વાતચીત કરવાની મંજૂરી ન આપી. મીડિયાવાળા રાત ભર આ કેસ અંગે બાંદ્રા પોલીસ સ્ટેશનની બહાર બેસી રહ્યાં, પણ ચિત્ર સ્પષ્ટ થયું નથી. એમ કહેવાયું કે આજે સવારે સલમાન ખાન પોતે પોલીસ સ્ટેશને આવશે, પણ એવુંય ન બન્યું.

English summary

Salman Khan has reportedly been trapped in a fresh controversy, after a young woman accused the actor's bodyguard of beating her up.