Salman Khan Firing Case: ગોળીબારમાં વપરાયેલી બંદૂક શોધવા સુરત પહોંચી પોલીસ, થયો નવો ખુલાસો
Salman Khan Home Firing Case: બૉલિવુડના ભાઈજાન સલમાન ખાનના ઘરે 14 એપ્રિલે ફાયરિંગ થયું હતું. મુંબઈ પોલીસની ક્રાઈમ બ્રાન્ચ આ કેસમાં આરોપીઓની સતત પૂછપરછ કરી રહી છે. હવે આ કેસમાં સતત નવા અપડેટ્સ સામે આવી રહ્યા છે. આ ઘટનાને અંજામ આપ્યા બાદ આરોપીએ બંદૂક ક્યાં ફેંકી હતી તેવા સમાચાર આવી રહ્યા છે.
ANIના અહેવાલ મુજબ, મુંબઈ પોલીસ ક્રાઈમ બ્રાન્ચે માહિતી આપી છે કે 14 એપ્રિલે સલમાન ખાનના ઘરની બહાર ફાયરિંગ બાદ તેની આખી ટીમ બંદૂકની શોધમાં સુરત પહોંચી હતી. જેનો ઉપયોગ સલમાન ખાનના ઘરે ફાયરિંગમાં કરવામાં આવ્યો હતો. પૂછપરછ દરમિયાન, આરોપીઓએ ખુલાસો કર્યો કે ઘટના પછી તેઓએ બંદૂક ક્યાં ફેંકી હતી.
મુંબઈ પોલીસ ક્રાઈમ બ્રાન્ચે જણાવ્યું કે આરોપીઓએ કહ્યું કે ગુનો કર્યા બાદ તેમણે તાપી નદીમાં બંદૂક ફેંકી દીધી હતી. હવે પોલીસ બંદૂકની સતત શોધ કરી રહી છે. તે જ સમયે, સલમાન ખાનના બાંદ્રા સ્થિત ઘર પર ફાયરિંગના મામલામાં હરિયાણાથી અન્ય એક શકમંદની અટકાયત કરવામાં આવી છે.
આ દરમિયાન સમાચાર આવી રહ્યા છે કે ગેંગસ્ટર લૉરેન્સ બિશ્નોઈ અને તેના નાના ભાઈ અનમોલ બિશ્નોઈને સલમાન ખાન ફાયરિંગ કેસમાં આરોપી બનાવવામાં આવ્યા છે. મળતી માહિતી મુજબ, હાલ પોલીસે આ મામલાની તપાસ માટે પોતાની ટીમ દિલ્હી, બિહાર, ગુજરાત અને રાજસ્થાન જેવા ચાર રાજ્યોમાં મોકલી છે. પોલીસને આશંકા છે કે આ કેસમાં અન્ય ઘણા લોકો પણ સામેલ છે. હાલ આ ઘટના બાદ સલમાન ખાનની સુરક્ષા વધારી દેવામાં આવી છે.
Firing incident outside actor Salman Khan's residence on April 14 | A team from the Mumbai Crime Branch reached Surat to search for the gun that the accused used in firing at Bollywood actor Salman Khan's residence.
— ANI (@ANI) April 22, 2024
During interrogation, the accused told the Crime Branch that…
Click it and Unblock the Notifications
Sign in with Google
