Pics : સના ખાન વિરુદ્ધ અપહરણનો કેસ, મૅડમ ફરાર

Updated: Friday, May 24, 2013, 14:16 [IST]

મુંબઈ, 24 મે : એવું લાગે છે કે આજકાલ બિગ બૉસના પ્રતિસ્પર્ધીઓની કાળી હકીકતો એક-એક કરી લોકો સામે આવી રહી છે. સ્પૉટ ફિક્સિંગમાં એક બાજુ બિગ બૉસ 3ના વિનર વિંદુ દારા સિંહ ઝડપાયાં છે, તો બીજી બાજુ બિગ બૉસ 6ના સેક્સી પ્રતિસ્પર્ધી સના ખાન વિરુદ્ધ પણ પોલીસે અપહરણનો કેસ નોંધ્યો છે.

મળતી માહિતી મુજબ સના ખાન પોતાના ભાઈ નાવેદ ખાનના લગ્ન એક 15 વર્ષીય છોકરી સાથે કરાવવા માંગતા હતાં, પરંતુ છોકરીએ ઇનકાર કરતાં નાવેદ ખાને પોતાના બે મિત્રો તથા સનાની મદદથી છોકરીના અપહરણનો પ્રયત્ન કર્યો. જોકે તેઓ સફળ ન થયાં અને છોકરી ત્રણેના ચુંગાલમાંથી ભાગી છુટી. છોકરીના માતાએ આ અંગે પોલીસમાં ફરિયાદ નોંધાવી છે.
મારા ભાઈ સાથે તમારી છોકરીના લગ્ન નહિં કરો, તો તે ક્યારેય લગ્ન કરવા લાયક નહિં રહેશે. તેને અમે ઉપાડી લઇશું. પીડિતાની માતાની ફરિયાદ બાદ નાવેદ ખાન તથા તેના મિત્રોની તો પોલીસે ધરપકડ કરી લીધી, પણ સના ખાન ફરાર થઈ ગયાં છે.

નાવેદ અલી ફેસબુક દ્વારા પીડિતાના સમ્પર્કમાં આવ્યો હતો. જોકે પોલીસ સનાને શોધ રહી છે, પરંતુ સનાના પ્રવક્તાએ તેઓ ફરાર હોવાનો ઇનકાર કર્યો છે ને જણાવ્યું છે કે સના ખાન એક જાણીતું નામ છે, એટલે જ પીડિતાના માતા તેને જાણી-જોઈને ફસાવી રહ્યાં છે.

નોંધનીય છે કે સલમાન ખાનના ચહેતા સના ખાન તેમની સાથે તેમના હોમ પ્રોડક્શનની મેંટલ ફિલ્મમાં કામ કરી રહ્યાં છે. સના જો સાચે જ ફરાર હોય, તો મેંટલનું શૂટિંગ પણ લટકી પડશે. સના ખાન બિગ બૉસ 6 અગાઉ મેલ અંડરવિયરની જાહેરખબરમાં દેખાયા હતાં કે જે હદપાર ઉત્તેજક હોવાના કારણે ચર્ચિત થઈ હતી. તેની ટીકાઓ થતા આ જાહેરખબર હટાવી લેવામાં આવી હતી.

આવો તસવીરો વડે જાણીએ કોણ છે સના ખાન.