14 દિવસના પેરોલ પર છૂટ્યો સંજય દત્ત

મુંબઇ, 1 ઓક્ટોબરઃ 1993ના મુંબઇ શ્રેણીબદ્ધ વિસ્ફોટ કેસમાં 42 મહિનાની સજા કાપી રહેલા બૉલીવુડ અભિનેતા સંજય દત્તને 14 દિવસના પેરોલ મળી ગયા છે. સંજય દત્ત મંગળવારે સવારે અંદાજે 11.30 વાગ્યે યરવડા જેલથી ઘરે જવા રવાના થયો છે.

સંજય દત્તે અજ્ઞાત બીમારીની સારવાર અર્થે થોડા દિવસ પહેલા પરોલ પર છૂટવાની અરજી કરી હતી. યરવાડા જેલના સુપરિટેંડેન્ટ યોગેશ દેસાઇએ ડિવિઝનલ કમિશનર સમક્ષ સંજય દત્તની અરજી મોકલાવી હતી, જેને મંજૂર કરી લેવામાં આવી હતી.

નોંધનીય છે કે, ટાડા અદાલતે સંજય દત્તને 9 એમએમની પિસ્તોલ અને એક એકે 56 રાઇફલ રાખવા બદલ સજા સંભળાવી હતી. આ હથિયારો માર્ચ 1993માં મુંબઇમાં શ્રેણીબદ્ધ વિસ્ફોટ કરવાના હેતુસર લાવવામાં આવેલા હથિયારોની યાદીમાં સામેલ હતા. વિસ્ફોટમાં 257 લોકોના મોત નીપજ્યાં હતા અને 700થી વધુ લોકોને ઇજા પહોંચી હતી.

English summary

Actor Sanjay Dutt was granted a two week parole by Yerawada Jail authorities on account of medical reasons.