મિત્ર નવનીત સાથે પરણી જતાં સયાલી ભગત

મુંબઈ, 13 ડિસેમ્બર : ભૂતપૂર્વ મિસ ઇન્ડિયા વર્લ્ડ અને બૉલીવુડ અભિનેત્રી સયાલી ભગતે લગ્ન કરી લીધાં છે. બૉલીવુડમાં કંઈ ખાસ ઉકાળી ન શકનાર સયાલીએ તાજેતરમાં જ મુંબઈ ખાતે પોતાના કૌટુમ્બિક મિત્ર નવનીત પ્રતાપ સિંહ સાતે ચોરીના ચાર ફેર ફરી લીધાં.

મળતી માહિતી મુજબ સયાલીએ મુંબઈની હોટેલ સી પ્રિંસિસમાં પોતાના નજીકના સંબંધીઓની હાજરીમાં નવનીત સાથે લગ્ન કર્યાં. લગ્નની તમામ વિધિ ગુજરાતી રીત-રિવાજ પ્રમાણે યોજાઈ. સયાલી ભગત દુલ્હન સ્વરૂપે ખૂબ જ સુંદર લાગતા હતાં. લગ્ન સમારંભમમાં સયાલી અને નવનીતના પરિજનો તથા મિત્રોએ ભાગ લીધો, જોકે બૉલીવુડમાંથી કોઈ દેખાયું નહીં. એટલું જ નહીં સત્કાર સમારંભમમાં પણ બૉલીવુડમાંથી કોઈ હસ્તી પહોંચી નહીં.

નોંધનીય છે કે સયાલી ભગતે વર્ષ 2007માં ધ ટ્રેન ફિલ્મ દ્વારા બૉલીવુડ કૅરિયર શરૂ કર્યુ હતું. જોકે પછીની તેમની ફિલ્મો કોઈ ખાસ સફળતા મેળવી શકી નહીં. તેમનું બૉલીવુડ કૅરિયર ઢચુપચુ હતું. તેવામાં તેમણે નવનીત પ્રતાપ સિંહ સાથે લગ્ન કરી લીધાં છે. સયાલી ભગત ગુજરાતી છે. જોકે તેમનો જન્મ નાસિક-મહારાષ્ટ્રમાં થયો હતો.

English summary

Former Miss India World and Bollywood Actress Sayali Bhagat got married to a family friend Navneet Pratap Singh, a Delhi based illustrious entrepreneur. The wedding took place in a traditional Gujarathi style at Hotel Sea Princess on Tuesday, Dec 10, 2013