ફરહાનની ડૉન 3માં જોવા મળશે ગુજરાતી શાહરુખ ખાન
મુંબઈ, 8 ઑક્ટોબર : બૉલીવુડના સુપરસ્ટાર શાહરુખ ખાન ફરી એક વાર ફરહાન અખ્તરના દિગ્દર્શન હેઠળ કામ કરવા જઈ રહ્યાં છે, તે પણ ડૉન 3માં, પણ આ વખતનો ડૉન નથી એમ કહેવાનો કે તેને 11 દેશોની પોલીસ શોધી રહી છે અને નથી એમ પણ કહેશે કે તેને જંગલી બિલાડીઓ બહુ પસંદ છે.
મળતી માહિતી મુજબ હવે આ ડૉન શક્ય છે કે જીંસ-પેંટ ન પણ પહેરે અને મૉડર્ન ડાન્સ પણ ન કરે. શક્ય છે કે આ વખતે ડૉન ગુજરાતી બોલશે અને કદાચ ગરબા પણ રમે, કારણ કે આ વખતે ફરહાન અખ્તર પડદા ઉપર ગુજરાતી ડૉન રજૂ કરનાર છે કે જેના માટે તેઓ સ્ક્રિપ્ટ તૈયાર કરવામાં લાગેલા છે. તેઓ શાહરુખ ખાનને તૈયાર કરી ચુક્યાં છે અને તે માટે કિંગ ખાન પોતે પણ ઉત્સાહિત છે. કહે છે કે શાહરુખ ખાન આજકાલ ગુજરાતી વેશભૂષા તથા કલ્ચર પર ખાસ ધ્યાન આપી રહ્યાં છે.
નોંધનીય છે કે ફરહાન અખ્તરે શાહરુખ ખાન સાથે ડૉન અને પછી ડૉન 2 બનાવી હતી. બંને ફિલ્મો સરેરાશ રહી હતી. શાહરુખે બંને ફૉર્મેટમાં એક્શન કિંગનો રોલ કર્યો હતે કે જેના વખાણ ભારત કરતા વિદેશોમાં વધુ થયા હતાં. જોઇએ ગુજરાતી અંદાજમાં કિંગ ખાન પડદા ઉપર કેવીક કમાલ કરે છે?
Click it and Unblock the Notifications
Sign in with Google
