શાહરુખની બે શરતો - નો કિસ, નો હૉર્સ રાઇડિંગ
જાણવા મળ્યું છે કે શાહરુખના કૉન્ટ્રાક્ટની બે શરતો હોય છે. પ્રથમ શરત એ કે તેઓ કોઈ પણ હીરોઇન સાથે લિપપૉક નહિં કરે અને બીજી શરત એ કે તેઓ ઘોડેસ્વારી નહિં કરે. તેમાં પણ આ બીજી શરત એટલે કે ઘોડેસ્વારી ન કરવાની શરત ત્યારથી મુકવામાં આવી રહી છે, જ્યારથી શાહરુખને બેક પેનની ફરિયાદ ઊભી થઈ છે.
થોડાંક વર્ષો પહેલા શાહરુખ પોતાની કરોડરજ્જુમાં દુઃખાવાને કારણે એક મોટા ઑપરેશનમાંથી પસાર થયા હતાં. આ ઑપરેશન અંગે શાહરુખે જણાવ્યુ હતું, ‘હું ઠીક છું, પણ અત્યારે કઈં પણ કહેવું બહુ વહેલું ગણાશે. કોઈ નથી જાણતું કે જ્યાં સુધી જીવન ચાલશે, ત્યાં સુધી આ ઑપરેશન સારું સાબિત થશે કે ખરાબ, પણ હંમેશાની જેમ આપણી અંદર દરેક મુશ્કેલી સામે ઝઝુમવાની એક તાકાત હોવી જોઇએ.'
ખેર, આ તો સમજાય છે કે શાહરુખ ખાન ઘોડેસ્વારી કરવાનો કેમ ઇનકાર કરી રહ્યાં છે, પરંતુ એક્ટ્રેસને કિસ ન કરવા પાછળનું કારણ હજુ ય અકબંધ છે. શક્ય છે કે આ શરત પાછળ ક્યાંક ગૌરી ખાન તો નથી.