Pics : યશની હસીનાઓ સાથે રૅમ્પ પર ઉતરશે શાહરુખ
મુંબઈ, 25 સપ્ટેમ્બર : ભલે સલમાન ખાન હસીનાઓના દિલો પર રાજ કરતાં હોય, પણ જે વાત શાહરુખમાં છે, તે કોઈમાં નથી. એટલે જ તો જે તક શાહરુખના હાથે આવી છે, તે સલમાન મિયાના હાથે ક્યારેય ન આવી શકે.
મળતી માહિતી મુજબ સ્વર્ગસ્થ ફિલ્મ નિર્માતા યશ ચોપરાની 27મી સપ્ટેમ્બરે જન્મ જયંતી છે અને આ પ્રસંગને તેમને શ્રદ્ધાંજલિ તરીકે ઉજવવાની તૈયારીઓ કરી રહ્યાં છે યશના પત્ની પામેલા ચોપરા. પામેલાએ એક ફૅશન શોનું આયોજન કર્યું છે કે જેમાં યશજીની હિટ ફિલ્મોની નવ હસીનાઓ રૅમ્પ ઉપર કૅટવૉક કરશે. તેમાં શ્રીદેવી, જુહી ચાવલા, કાજોલ, માધુરી દીક્ષિત અને કૅટરીના કૈફ વિગેરેનો સમાવેશ થાય છે. આ શોના સ્ટૉપર શાહરુખ ખાન હશે. શાહરુખ ઉપરાંત શોમાં બીજા કોઈ હીરો કૅટવૉક નહીં કરે.
શાહરુખ ખાન આ બધું પામેલા ચોપરાના કહેવા પર કરી રહ્યાં છે કે જેમને તેઓ પોતાના માતા સમાન ગણે છે. શાહરુખ ખાન માટે યશ ચોપરા ફાધર ફિગર હતાં. તેથી કિંગ ખાનનું શોમાં આવવું આશ્ચર્યની વાત નહીં ગણાય. હાલ તો પામેલા ચોપરા અને શાહરુખ ખાન બંને આ શોની તૈયારીઓમાં લાગેલાં છે.
યશ ચોપરાની જન્મ જયંતી
કિંગ ખાન 27મી સપ્ટેમ્બરે યશજીની 81મી જન્મ જયંતીએ તેમની ફિલ્મોની સુંદર અભિનેત્રીઓ સાથે કૅટવૉક કરશે. શાહરુખ જ આ શોના શો-સ્ટૉપર હશે. તેનું આયોજન યશના પત્ની પામેલા ચોપરા કરી રહ્યાં છે.
શાહરુખ એકલા અભિનેતા
શાહરુખ એવા એકલા અભિનેતા હશે કે જેઓ આ શોનો ભાગ હશે. શાહરુખે યશ સાથે ડર, દિલ તો પાગલ હૈ, વીર ઝારા અને જબ તક હૈમાં કામ કર્યું, તો શાહરુખના કૅરિયરની મહત્વની ફિલ્મ દિલવાલે દુલ્હનિયા લે જાયેંગેના નિર્માતા પણ યશ જ હતાં. જોકે દિગ્દર્શન તેમના પુત્ર આદિત્યે કર્યુ હતું.
શાહરુખ મારૂં બાળક
યશ ચોપરા કાયમ કહેતાં કે શાહરુખ તેમના બાળક જેવો છે. તેઓ તેને બહુ પ્રેમ કરે છે અને બહુ વઢે પણ છે.
છેલ્લી ક્ષણો સુધી સાથે-સાથે
શાહરુખ તેવા ભાગ્યશાળી લોકોમાંના એક છે કે જેમણે યશના 80મા જન્મ દિવસે તેમનું ઇંટરવ્યુ લીધુ હતું અને તે છેલ્લું ઇંટરવ્યુ હતું.
પપ્પા યશ માટે પુત્રની શ્રદ્ધાંજલિ
શાહરુખ આ બધુ પામેલાજીના કહેવા પર કરે છે કે જેમને તેઓ માતા સમાન ગણે છે. શાહરુખ માટે યશ ચોપરા ફાધર ફિગર હતાં.