મહેબૂબ સ્ટૂડિયો ખાતે શું કરી રહ્યાં છે બાદશાહ અને દંબગ?

Updated: Wednesday, November 5, 2014, 12:43 [IST]

થોડા સમય પહેલા કેટલીક તસવીરો વહેતી થઇ હતી કે બૉલીવુડ બાદશાહ શાહરૂખ ખાન અને દંબગ બોય સલમાન ખાન વચ્ચેની દુશ્મનાવટ ખતમ થઇ ગઇ છે અને બન્ને ફરી મિત્રતાના સેતુથી બંધાઇ ગયા છે. જો કે, આ અંગે બન્ને અભિનેતાઓ દ્વારા કોઇપણ પ્રકારની ટિપ્પણી હજુ સુધી કરવામાં આવી નથી. તેમ છતાં તાજેતરમાં એક એવી ઘટના ઘટી હતી કે આ બન્ને સ્ટાર્સ ફરી એક વખત આમને સામને આવ્યા હતા. જો કે, આ વખતે બન્ને વચ્ચે એકપણ આપલે થઇ નહોતી.

શાહરૂખ ખાન પોતાની બીએમડબલ્યુમાં જ્યારે સલમાન ખાન મર્સિડીઝ બેન્ઝમાં મહેબૂબ સ્ટૂડિયો પહોંચ્યા હતા. બન્નેની કાર એક જ સમયે મેહબૂબ સ્ટૂડિયો પહોંચી હતી. પરંતુ બન્ને વચ્ચે હજુ પણ એ મિત્રતા જોવા મળી નહોતી જે થોડાક સમય પહેલા એક ઇફ્તાર પાર્ટીમાં જોવા મળી હતી. આ તકે મહેબૂબ સ્ટૂડિયો ખાતે અભિનેત્રી દીપિકા પાદૂકોણ અને ક્રિકેટર મહેન્દ્ર સિંહ ધોની પણ હાજર રહ્યાં હતા. નોંધનીય છે, સલમાન ખાન પોતાની એક ફિલ્મની શૂટિંગ માટે જ્યારે શાહરૂખ ખાન અને દીપિકા પાદૂકોણ આગામી ફિલ્મના પ્રમોશન માટે ત્યાં આવ્યા હતા. તો ચાલો તસવીરો થકી જોઇએ સલમાન અને શાહરૂખની મુલાકાતને.