સોશિયલ મીડિયાથી શરમાય છે બેશરમ રણબીર

મુંબઈ, 28 ફેબ્રુઆરી : આજે જ્યારે સોશિયલ મીડિયાની લોકપ્રિયતા ફિલ્મી સ્ટાર્સ માટે સ્ટેટસ સિમ્બૉલ બની ગઈ છે, ત્યારે બીજી બાજુ બૉલીવુડના એક ચાર્મિંગ સ્ટાર એવાં પણ છે કે જેમને સોશિયલ મીડિયા નેટવર્કિંગ સાઇટ્સ સાથે જોડાવવામાં શરમ આવે છે. જાણવા માંગો છો કે તેઓ કોણ છે? તે કોઈ બીજું નહીં, પણ આપના અને અમારા લવિંગ સ્ટાર રણબીર કપૂર છે. શરમની વાત આવી, એટલે અચાનક જ યાદ આવી ગયું કે રણબીર કપૂરની આવનાર ફિલ્મોમાં એક બેશરમ ફિલ્મનો પણ સમાવેશ થાય છે. હવે બેશરમ જેવી ફિલ્મમાં કામ કરે અને પાછા શરમાય તે કેમ ચાલે?

બૉલીવુડના રૉકસ્ટાર રણબીર કપૂરને એમ તો હસીનાઓ સાથે અફૅર કરતાં શરમ નથી અનુભવાતી, પણ ફેસબુક અને ટ્વિટર સાથે સંકળાવવામાં ખટકાટ અનુભવાય છે. જોકે રણબીરે જણાવ્યું કે તેમને મોબાઇલ દ્વારા વાત કરવી ખૂબ ગમે છે. તેઓ પોતાનાઓ સાથે કાયમ ફોન અને એસએમએસ દ્વારા જ સમ્પર્કમાં રહે છે. રણબીરે આ માહિતી બ્લૅકબેરી ઝેડ-10ના લૉન્ચિંગ પ્રસંગે આપી.

રણબીર કપૂર બ્લૅકબેરી ઝેડ-10ના બ્રાંડ એમ્બેસડર છે. તેની ખૂબીઓ શૅર કરતાં રણબીરે જણાવ્યું કે બ્લૅકબેરી સોશિયલ નેટવર્કિંગથી દૂર છે. તે જે દિવસે જોડાઈ જશે, કદાચ હું પણ સોશિયલ મીડિયા સાથે જોડાઈ જઇશ. બ્લૅકબેરી અંગે રણબીર કપૂરે જણાવ્યું કે તેની ક્વૉલિટી બહેતરીન છે. આ એક સારી પ્રોડક્ટ છે. એટલે જ તો હું તેનો બ્રાંડ એમ્બેસડર છું.

જોકે રણબીર મિયા આપને જણાવી દઇએ કે આપ ભલે સોશિયલ મીડિયાથી દૂર ભાગતા રહો, પણ આપની સાથે જોડાયેલી દરેક નાની-મોટી વાતો ટ્વિટર તથા ફેસબુક ઉપર છવાયેલી રહે છે કે જે લોકો ખૂબ જ રુચિ સાથે વાંચે-જુએ છે.

English summary

The Brand Ambassador of BlackBerry and the famous Bollywood actor Shy Ranbir Kapoor is not Like Social Media.